Connect with us

Lajme

Xhaçka tregon për objektivin strategjik dhe interesin madhor të Shqipërisë për Kosovën

Published

on

Xhaka: Çështja e konsolidimit dhe rritjes së njohjeve të pavarësisë së Kosovës, objektiv strategjik dhe interes madhor i Shqipërisë.

Ministrja e Jashtme e Shqipërisë Olta Xhaçka tha pas përzgjedhjes së Shqipërisë si anëtare jo e përhershme e Këshillit të Sigurimit, duke thënë se vendi do të kontribuojë në gjetjen e zgjidhjeve për çështje globale, jo thjesht kombëtare apo rajonale.

Xhaçka tha në një intervistë për Zërin e Amerikës se Shqipëria do të vazhdojë të angazhohet për çështjen e Kosovës dhe se përfundimi me sukses i dialogut Kosovë-Serbi do të mbyllte një nga kapitujt më tragjikë në Ballkanin Perëndimor. Duke folur për Urdhërin Ekzekutiv të Presidentit amerikan Joe Biden për korrupsionin, Ministrja e Jashtme e Shqipërisë tha se e sheh si mbështetje për shqiptarët.

Zëri i Amerikës: Çfarë përfaqëson për Shqipërinë fakti që do të ketë një vend në Këshillin e Sigurimit dhe cilat do jenë prioritetet e Shqipërisë?

Olta Xhaçka: Është vërtet një fitore e diplomacisë shqiptare, është një mundësi e jashtëzakonshme që i është dhënë Shqipërisë pas 65 vitesh të anëtarësimit të saj në Kombet e Bashkuara, duke pasur parasysh se shumë vende ende nuk e kanë pasur këtë mundësi në shumë dekada. Besoj se ilustron më së miri, se çfarë përmasash të jashtëzakonshme ka kjo ngjarje për Shqipërinë, për politikën e saj të jashtme, për diplomacinë e saj. Patjetër që jemi të vetëdijshëm që duhet të kemi pritshmëri realiste për atë që ne mund të arrijmë në Këshillin e Sigurimit në këtë tryezë kaq të rëndësishme të vendimmarrjes globale, përsa i takon paqes dhe sigurisë. Por, patjetër nuk kemi pse të mos jemi ambiciozë dhe optimistë që me një plan të mirë pune, me strategji dhe objektiva të qarta, por edhe një përgatitje shumë të mirë të ekipit që do të na përfaqësojë në këtë mundësi kaq të jashtëzakonshme, ne mund të arrijmë shumë, duke kontribuar në gjetjen e zgjidhjeve në disa problematika globale, jo më thjesht kombëtare apo rajonale.

Zëri i Amerikës: Zonja Xhaçka, Këshilli i Sigurimit vazhdon të diskutojë rregullisht për Kosovën, megjithëse vendi është në fazë të re. Çfarë qëndrimi pritet nga Shqipëria rreth kësaj çështjeje, si anëtare e këtij Këshilli.

Olta Xhaçka: Çështja e Kosovës, e konsolidimit dhe rritjes së njohjeve të pavarësisë së Kosovës, është absolutisht objektiv strategjik dhe interes madhor i Shqipërisë dhe politikës së jashtme të Shqipërisë. Dhe shteti shqiptar ka kontribuar në arenën ndërkombëtare që ky objektiv strategjik të realizohet. Dhe pavarësia e Kosovës është sigurisht jo vetëm interes kombëtar, por edhe kontribut i qenësishëm për paqen dhe sigurinë dhe stabilitetin e rajonit tonë të Ballkanit Perëndimor. Ky qëndrim i Shqipërisë sigurisht që do të mbetet i pandryshuar dhe jo vetëm tani, por edhe gjatë 2 viteve të pjesëmarrjes në Këshillin e Sigurimit. Dua ta them se Shqipëria dhe ne do të bëjmë çmos që çështja e Kosovës të rivihet në vëmendje të Këshillit të Sigurimit të OKB-së dhe kjo do të jetë një prioritet i rëndësishëm që avancon paqen e dhe sigurinë. Ne mbështesim dialogun Kosovë-Serbi, një proces i mbështetur edhe nga BE dhe SHBA, sepse përfundimi me sukses i këtij dialogu, patjetër do të mbyllte një nga dosjet më të vështira dhe më tragjike në Ballkanin Perëndimor, por edhe do t’i hapte rrugë edhe avancimit të integrimit evropian për Kosovën dhe Serbinë dhe patjetër do të ishte edhe kyçi për avancimin njëherësh të pavarësisë së Kosovës dhe hapjes së rrugës për anëtarësimin e saj në Kombet e Bashkuara.

Zëri i Amerikës: Zonja ministre, pak ditë më parë Presidenti amerikan firmosi një urdhër ekzekutiv për bllokimin e pasurive dhe pezullimin e hyrjes në Shtetet e Bashkuara të personave që kontribuojnë në destabilizimin e Ballkanit Perëndimor, përfshirë edhe Shqipërinë. Sekretari Blinken tha se përfshirja e Shqipërisë bëhet për të goditur më mirë rrjetet e korrupsionit të shtrira në Ballkanin Perëndimor. Duket që Shqipëria deri tani ka dështuar në këtë luftë derisa është futur në këtë listë. Qeveria juaj ka qenë tetë vjet në pushtet dhe tani do të jetë edhe për një mandat tjetër. Çfarë do të bëjë Shqipëria?

Olta Xhaçka: Ajo që unë do të doja të thosha është që për Shtetet e Bashkuara të Amerikës, mbështetja për forcimin e demokracive, për konsolidimin e demokracive, për fuqizimin e demokracive është një nga shtyllat e politikës së saj të jashtme dhe ne si shqiptarë e kemi shumë të qartë faktin që kjo mbështetje ka qenë vendimtare duke pasur parasysh që SHBA në çdo moment të tranzicionit tonë na ka mbështetur për të demokratizuar institucionet e shtetit shqiptar, për të fuqizuar dhe konsoliduar demokracinë gjatë këtyre viteve të vështira. Dhe lufta kundër korrupsionit është pjesë shumë e rëndësishme e fuqizimit të demokracisë ndaj dhe besoj që në këtë këndvështrim duhet parë edhe vendimi i fundit, i cili në fakt unë mendoj se duhet përshëndetur…

Zëri i Amerikës: Zonja Xhaçka më falni që ju ndërpres. Le të përqëndrohemi në mënyrë specifike tek Shqipëria dhe asaj që pritet të bëhet pas përfshirjes në këtë listë, në qoftë se është e mundur.

Olta Xhaçka: Unë nuk mund t’ua kthej këtë përgjigje, sepse unë nuk di se çfarë mund të bëjnë Shtetet e Bashkuara të Amerikës pas këtij vendimi. Por besoj që duhet parë në këndvështrimin e një mbështetjeje dhe një vendosmërie të Shteteve të Bashkuara të Amerikës për të qenë krahë për krahë shqiptarëve teksa të gjithë ne, edhe ne si qeveri, punojmë për të ndërtuar një demokraci të konsoliduar dhe kjo është ajo që shqiptarët kanë nevojë. Kjo është edhe mbështetja e madhe që Shtetet e Bashkuara na kanë dhënë dhe vazhdojnë të na japin.

Zëri i Amerikës: Çfarë prisni nga takimi i Këshillit Europian që mbahet më 22 qershor? A pritet që këtë herë të hapet konferenca ndërqeveritare?

Olta Xhaçka: Përgjatë kësaj periudhe, që nga vendimi i marsit 2020 kur në fakt Këshilli Evropian miratoi njëzëri hapjen e negociatave të pranimit me vendin tonë, Shqipëria ka miratuar dhe ka implementuar një plan veprimi që mishëron një axhendë të ngjeshur prioritetesh në përmbushjen e të gjitha kërkesave specifike që ka vendosur Bashkimi Evropian. Dhe besoj që më kryesoret, reforma në drejtësi dhe mbajtja e zgjedhjeve të lira dhe të ndershme, kanë hapur parimisht dhe konkretisht rrugën e zhvillimit të konferencës së parë ndërqeveritare mes Shqipërisë dhe Bashkimit Evropian. Sipas të gjitha pritshmërive, presim që ky vendim të merret brenda presidencës portugeze. Sigurisht që mbetet për t’u tejkaluar ngërçi mes Maqedonisë së Veriut dhe Bullgarisë për të cilët të gjithë partnerët tanë evropianë janë duke ndihmuar dhe shpresojmë që me kompromis do ta kapërcejmë dhe këtë moment për të avancuar në këtë proces kaq të rëndësishëm për Shqipërinë, Maqedoninë e Veriut dhe rajonin tonë.

Continue Reading

Lajme

Limaj pas shkarkimit të Valdete Dakajt: Opozita të konsiderojë bojkotin e zgjedhjeve

Published

on

Limaj: Osmani kaloi kompetencat e saj me shkarkimin e Dakës, opozita të konsiderojë bojkotin e zgjedhjeve.

Kryetari i Nismës Socialdemokrate, Fatmir Limaj, thotë se data e zgjedhjeve lokale mbeti nën hije pas shkarkimit të kryesueses së Komisionit Qendror Zgjedhor, Valdete Daka nga presidentja e vendit, Vjosa Osmani.

“Data është afat ligjor dhe zgjedhjet janë paraparë për në tetor dhe cila datë brenda tetorit është çështje teknike. Por, rëndësi ka që janë në afat ligjor. Datën e zgjedhjeve e lë në hije ajo që ndodhi një ditë më parë me shkarkimin e kryesueses së KQZ-së dhe besoj se diskutimi dhe ajo që mori vëmendjen është vendimi i presidencës për shkarkimin e Dakës”.

“Ne mund të kemi vërejtje në ushtrimin e detyrave të tyre por kjo nuk duhet të dërgoj në shkarkimin e personave të tillë pasi ne jemi vend demokratik dhe ka procedura ligjore të cilat janë të qarta”.

Limaj në Rubikon deklaroi se Osmani kaloi kompetencat e saj me shkarkimin e Dakës teksa thotë se ky është rast kushtetues, njofton Klankosova.

“Besoj që është shkelje e pastër e kompetencave dhe shkelje kushtetuese pasi KQZ është institucion i pavarur dhe presidentja duhet të kujdeset për pavarësinë e këtij institucioni dhe Osmani e ka keqkuptuar kompetencën e vet pasi mund ta bëjë emërimin dhe jo shkarkimin pasi është një zinxhir që duhet të respektohet për shkarkim. Mendoj se ka dalë jashtë kompetencave me shkarkim sidomos pa një konsultim paraprak”.

“E arritura më e madhe në demokracinë e Kosovës mendoj që është mbarëvajtja e zgjedhjeve bashkë me KQZ-në, PZAP-në dhe Gjykatën Kushtetuese të cilat asnjëherë nuk kanë dalë jashtë kompetencave pasi ne kemi përcjellë ankesa në PZAP ose kërkesa në Gjykatën Kushtetuese”, tha Limaj.

“Vendimi është më shumë kolumne sesa vendim i bazuar në ligj. Problem është të kuptohet shteti pasi vërejtjet dhe kritikat tona duhet të jenë të qarta në përmirësimin e punës së një institucioni dhe shkarkimi nuk duhet të jetë ndëshkim. Në vendim nuk kam parë ndonjë thirrje të ndonjë neni por nenit të presidencës e që edhe ai është gabim. Presidentja nuk do duhej të lejonte që partitë politike të ndikojnë në ndonjë vendim të saj”.

“Ka rast për Gjykatën Kushtetuese nuk jam duke folur për individin por për institucionin pasi nëse sot bëhet një veprim i tillë kush na garanton që presidenti i ardhshëm nuk do e bëjë një të tillë”.

Mes tjerash Limaj thotë se opozita duhet të konsiderojë bojkotin e zgjedhjeve lokale që do të mbahen më 17 tetor të këtij viti pas shkarkimit të Dakës.

“Për ruajtje të integritetit të KQZ-së duhet të bojkotohen zgjedhjet pasi duhet të shërbej si mësim që nuk duhet të rrezikohet integriteti i institucioneve të pavarura. Opozita duhet të paralajmëroj që të hiqen duart nga institucionet e pavarura dhe nëse duhet të bojkotohen zgjedhjet”.

E përsërisë jo në emër të individit por se bëhet rrugë që të ketë ndërhyrje në institucione të pavarura”, tha Limaj.

Continue Reading

Lajme

Banorët e Bogës të pakënaqur, kërkojnë leje ndërtimi

Published

on

Banorët e Bogës duan leje ndërtimi.

Banorët e Bogës së Rugovës po ankohen se shpallja Park Kombëtar i asaj ane, po i kufizon ata që të marrin leje ndërtimi.

Kërkesa e tyre është që të shfuqizohet ky ligj, në të kundërtën paralajmërojnë se do të jenë të padëgjushëm ndaj pushtetit lokal dhe atij qendror.

Në lidhje me këtë çështje, Drejtori i Urbanizmit në Komunën e Pejës, Rajan Arapi ka thënë se baza e gjithë kësaj pune është plani hapësinor i cili që nga viti 2014 është duke u zvarritur, njofton Klan Kosova.

Ndërsa Zëvendësministrja e Ministrisë së Mjedisit, Planifikimit Hapësinor dhe Infrastrukturës, Linda Çavdarbasha, tha se kufizimet brenda kësaj zone janë shkak i mosmiratimit të Planit Hapësinor të Bjeshkëve të Nemuna.

Por, ky nuk është problemi i vetëm i këtyre banorëve. Ata po përballen edhe me mungesën e ujit të pijshëm dhe të energjisë elektrike.

E në lidhje me këtë, komuna e Pejës thanë se është nënshkruar një memorandum dhe është votuar në asamble që KEDS-i të filloi me punë dhe të furnizoi fshatrat e asaj ane me energji elektrike.

Continue Reading

Lajme

Mësoni këto veprime nëse telefoni juaj është lagur dhe nuk do të ndizet

Published

on

Ndiqni këto veprime nëse telefoni juaj është lagur dhe nuk do të ndizet.

Nëse e keni lagur telefonin tuaj në shi, e keni hedhur në ujë ose keni derdhur lëng mbi të, nuk jeni i vetmi.

Një studim sugjeron që 25% e përdoruesve të telefonave të mençur e kanë dëmtuar telefonin e tyre me ujë ose ndonjë lloj tjetër lëngu, përcjell Telegrafi.

Siç edhe dihet, depërtimi i lëngjeve në një telefoni të mençur mund të ndikojë në pajisje në disa mënyra.

Mund të çojë në: foto të paqarta, audio e zhurmshme, ose fare audio, një paaftësi për tu karikuar, ndryshkja e pjesëve të brendshme, ose një fund total për të gjithë funksionalitetin.

Dhe ndërsa telefonat e rinj reklamohen si “rezistent ndaj ujit”, kjo nuk do të thotë që ata janë të papërshkueshëm nga uji, ose plotësisht të imunizuar ndaj ujit.

Sidoqoftë, rezistenca ndaj ujit nënkupton që pajisja mund të trajtojë disa ekspozime ndaj ujit para se të ndodhë dëmtimi thelbësor.

Kështu, ekspozimi ndaj ujit është diçka që prodhuesit e kanë në mendje kur projektojnë telefonat, përcjell Telegrafi.

Por çfarë duhet bërë nëse ndodh një gjë e tillë?

1. Fikni pajisjen menjëherë dhe mos shtypni asnjë buton.

2. Fshijeni telefonin me “peshqir letre” ose një leckë të butë.

3. Shkundni butësisht pajisjen për të hequr ujin nga portat e karikimit, por shmangni tundjen e fortë pasi kjo mund të përhapë më tej lëngun brenda.

4. Hiqni kartën SIM.

5. Përdorni një pastrues ajri të kompresuar për të fryrë ujin nëse keni një të tillë. Shmangni përdorimin e një tharëse të nxehtë pasi nxehtësia mund të shkatërrojë pjesët prej plastike dhe të dëmtojë ekranin.

6. Thani telefonin (dhe posaçërisht portat) para një ventilatori.

7. Lëreni telefonin tuaj në një enë hermetike të mbushur me pako xhel silicë (ato pako të vogla që merrni brenda këpucëve dhe çantave të reja), ose një agjent tjetër tharës. Këto ndihmojnë në thithjen e lagështisë.

8. Mos e karikoni telefonin derisa të jeni i sigurt se është tharë. Karikimi i një pajisje me lëng ende brenda saj, ose në porte, mund të shkaktojë dëme të mëtejshme. Apple sugjeron të presësh të paktën pesë orë sapo një telefon të shfaqet i thatë përpara se ta karikosh.

9. Nëse hapat e mësipërm nuk ndihmojnë dhe jeni akoma i mbërthyer me një pajisje në dukje të vdekur, mos u përpiqni ta hapni vetë telefonin. Më mirë ta çojeni te një profesionist.

Continue Reading

Trending

Copyright © 2020 toplajmet.ch