Connect with us

Jetë

Salcë kosi me arra – Shoqëuesi perfekt për çdo vakt

Published

on

salce-kosi-me-arra-–-shoqeuesi-perfekt-per-cdo-vakt

Kjo recetë është mirë të përgatitet me kos të bërë në shtëpi por përgatitet edhe me kos të blerë në dyqan.

Kosi pa yndyrë ose me pak yndyrë nuk prodhon të njëjtën salcë kosi si varianti i shtëpisë.

Sa i përket hudhrës, shumë amvisa shqiptare zgjedhin ta shtypin atë me kripë që të çlirojë aromën e fortë e të ndezur.

Disa të tjera preferojnë ta kalojnë në rende, që hudhra të mos jetë aroma dominante.

Ndërsa për barishtet, zgjedhja qëndron gjithmonë mes koprës dhe majdanozit.

Salca e kosit mund të serviret si antipastë dhe është shoqëruese e shkëlqyer e mishrave, patateve apo sallatave.

Më poshtë do të gjeni një recetë të thjeshtë për përgatitjen e salcës së kosit në kushtet e shtëpisë.

Përbërësit:

2 kg kos

1 filxhan vaj ulliri ekstra të virgjër

1 lugë të vogël me kripë

2-3 thelpinj hudhër (nëse dëshironi mund të shtoni më shumë në varësi të aromës së preferuar)

1 tufë majdanoz të copëtuar hollë

Një gotë me arra të shtypura

Përgatitja:

Marrim kosin dhe e transferojmë në një napë të pastër të cilës i japim formën e një traste të thjeshtë.

Trasta varet në një vend të caktuar në kuzhinë dhe lihet të kullojë për 12 orë. Vendosni një enë poshtë nëse nuk keni një vend ku të rrjedhë lëngu.

Pasi kosi ka kulluar plotësisht, hapeni trastën e napës dhe hidheni masën e përqendruar të kosit në një enë qelqi.

Shtojmë kripën dhe e përziejmë mirë.

Më pas hedhim një filxhan kafeje me vaj ulliri dhe e përziejmë mirë.

Në një enë të vogël shtypim thelpinjtë e hudhrës me pak kripë që të çlirojnë aromën e tyre karakteristike.

Mos harroni që hudhra duhet përdorur gjysëm ore pas prerjes, pasi ka lëshuar alicinën e cila përçon shumë prej vlerave më të mira të hudhrës.

Nëse dëshironi mund të shtoni majdanozin e grirë hollë dhe arra të thërrmuara.

Në përfundim salca rrihet dhe përzihet mirë me një lugë druri.

Vendoseni enën në frigorifer dhe mbylleni mirë me kapak.

Salca është mirë të konsumohet pas 2 orësh nga përgatitja.

Kjo kohë është e nevojshme për përzierjen e plotë të aromave të të gjithë përbërësve.

Salca mund të qëndrojë në frigorifer për të paktën 5 ditë. /Lajmi.net/

Continue Reading

Jetë

Kek me lëkurë limoni – Aromë dhe shije perfekte

Published

on

Kekun me lëkurë limoni mund ta përgatisni për çdo rast, nëse keni të ftuar në shtëpi, nëse ju hahet diçka e ëmbël apo për t’ja dhurar një miku.

Përbërësit

190 gr miell

250 gr sheqer

4 vezë

120 ml krem qumështi (pana për ëmbelsira)

75 gr gjalpë pa kripë

1 lugë e gjysmë çaji me pluhur pjekës

Gjysmë luge çaji xhenxhefil pluhur

1 limon i madh ose 2 të vegjël

15 gr ekstrakt vanilje

50 ml marmaladë

Gjysmë luge çaji ujë

Kripë

Përgatitja

Për të nisur me përgatitjen e këtij keku AgroWeb ju këshillon të ndizni furrën në temperaturën 180 gradë dhe lyeni me pak gjalpë e miell një tavë me madhësi 20-25 cm.

Sipër tavës vendosini një letër pjekje dhe lëreni mënjanë për të vazhduar me përgatitjen e kekut.

Në një enë përzieni miellin, pluhurin pjekës, xhenxhefilin dhe kripën, ndërsa në një tjetër shtoni sheqerin bashkë me lëkurën e grirë të limonit.

Shtrydhni veçmas edhe gjysmën e limonit, ndërkohë përzieni me duar sheqerin me lëkurën e limonit në mënyrë që të bashkohen mirë.

Një nga një po tek sheqeri, shtoni vezët të cilat duhet të jenë në temperaturë ambienti.

Pas secilës prej tyre përzieni mirë me rahhës elektrik në mënyrë që sheqeri të shkrijë dhe në fund shtoni edhe lëngun e limonit që shtyrdhët më parë bashkë me kremin e qumështit.

Këtë proces mund ta bëni edhe me anë të një rrahësi elektrik të posacëm për vezët përveçse me dorë.

Merrni enën tjetër ku ndodhen përbërësit e thatë dhe shtojeni pak nga pak tek kjo që po punoni pjesën tjetër të brumit.

Ndërkohë shkrini gjalpin dhe përziejeni me esencën e vaniljes.

Në fund duke përzier, shtojeni pak nga pak tek brumi i kekut që sapo përgatitët.

Brumi përfundimtar do të jetë i trashë, kremoz e pa kokrriza.

Hidheni të gjithin tek tava që përgatiët në fillim dhe futeni të piqet për 70 – 75 minuta ose derisa të marrë ngjyrë të artë në sipërfaqe.

Kur të jetë pjekur nxirreni nga furra dhe pasi të ftohet pakra hiqeni me kujdes nga tava.

Sipas dëshirës mund t’i përgatisni salcën më marmaladë për ta lyer sipër.

Mjafton të zieni marmaladën me ujin në një tigan të vogël dhe ta lini të ziejë derisa të formohet një masë kremoze.

Hidhjani sipër kekut tuaj dhe lëreni të ftohet për 2 orë dhe mund ta shërbeni sipas dëshirës tuaj. /Lajmi.net/

Continue Reading

Jetë

Brokoli me kos dhe hudhër – E shëndetshme, e shijshme dhe plot vlera

Published

on

Atë mund ta servirni ose si pjatë të parë ose duke shoqëruar gatime të tjera tradicionale ose jo.

Është një pjatë ideale që mund të konsumohet në çdo kohë të ditës, është e lehtë e mbi të gjitha e pasur në vlera ushqyese.

Mund të shoqërohet me pak bukë të thekur misri ose gruri por edhe me byrekë të ndryshëm shtëpie.

Kjo recetë bëhet edhe më e shijshme kur përgatitet me kos të bërë në shtëpi.

Përbërësit

Për 4 persona rekomandohen:

300 gr brokoli

2  thelpinj hudhër (sasia e hudhrave sipas dëshirës)

200 gr kos

Vaj ulliri

Kripë

piper i zi

piper i kuq (sipas dëshirës)

Majdanoz ose Koper (sipas dëshirës)

Përgatitja 

Qëroni hudhrat dhe pritini hollë.

Shtypini me një lugë dhe spërkatini me pak kripë.

Në këtë mënyrë hudhra do të ketë mundësi të çlirojë alicininë, substancën e famshme mirëbërëse.

Ndërkohë ndajini brokolit në degëza dhe më pas lajini me ujë të bollshëm.

Më pas, vendosni një tenxhere me ujë dhe pak kripë në zjarr.

Lëreni sa uji të nisë të vlojë e më pas shtoni aty degëzat e brokolit.

Lërini të ziejnë jo më shumë se 6-7 minuta e më pas kullojini nga uji i ngrohtë dhe vendosini në një enë me ujë të ftohtë, në këtë mënyrë procesi i zierjes së brokolit do ndalojë.

Ndërkohë në një enë tjetër përzieni kosin, hudhrat, vajin e ullirit, kripën dhe piperin.

Përzierja duhet të bëhet mirë që shija të jetë e njëtrajtshme dhe gjithëpërfshirëse.

Masa e kosit duhet të jetë e trashë dhe jo shumë e lëngshme si taratori.

Hidheni atë sipër brokolit të zierë dhe vendosini në frigorifer për një orë ose më pak, sipër spërkatini sipas preferencës me pak piper të kuq apo majdanoz ose kopër të grirë hollë./Lajmi.net/

Continue Reading

Jetë

Crema Catalana – ëmbëlsira më e famshme spanjolle

Published

on

Crema Catalana behet vetem me qumesht, veze dhe trashet edhe me pak niseshte ndersa kremi brulee behet me pana dhe pa niseshte vetem veze. Catalana behet ne vater ndersa krem brulee ne furre.

Te dyjave i digjet sheqeri siper.

Perberesit:

500 ml qumesht

5 te verdha veze

95 gr sheqer

Lekure limoni ose portokalli

Shkop kanelle ose vanilje me deshire

1 luge gjelle plot niseshte

Pergatitja eshte shume e thjeshte sikur po bejme nje puding por me veze

Vendosim qumeshtin te ngrohet nderkohe brenda i kemi hedhur 60-70 gr sheqer, lekuren e limonit, 1 shkop kanelle & pak vanilje.

Kur eshte afer vlimit e fikim dhe i lejme te marrin mire aromat. Nderkohe ne nje ene rrahim te verdhat e vezes me 2 luge gjelle sheqeri.

Ne nje ene tjeter hedhim 1 gote qumesht te ftohte dhe tresim nisheshtene, kete ia shtojme vezeve dhe i perziejme mire.

Mases i shtojme dhe qumeshin e ngrohte te cilin e kullojme. I perziejme dhe e kalojme ne zjarr per 9-10 min duke e perzier gjithe kohen deri sa trashet kremi.

E kalojm ne tasat e qeramikes dhe e lejme ne frigorifer te pakten 4-5 ore. Nese doni qe mos formohet cipa siper mbulojini me qese kuzhine.

Kur e nxjerrim per ta servirur i djegim sheqerin siper. /Lajmi.net/

Continue Reading

Trending

Copyright © 2020 toplajmet.ch