Connect with us

Lajme

PDK mbledh më së shumti vota në historinë e saj në Prishtinë me Uran Ismailin

Published

on

Uran Ismaili mbledh më së shumti vota në historinë e PDK-së në Prishtinë.

Edhe në ditët më të mira të saj, PDK-ja e ka pasur pikën e saj më të dobët kryeqytetin. Uran Ismaili nuk i fitoi zgjedhjet e as nuk shkoi në balotazh, por partinë e tij e ngriti aty ku s’kishte qenë kurrë, që nga ekzistenca e saj.

Me 21,64 për qind apo 18 mijë e 119 vota në zgjedhjet e 17 tetorit, Uran Ismaili ka arritur të mbledh më së shumti vota në historinë e PDK’së.

Uran Ismaili u vlerësua se arriti të tregoj një mënyrë të re të të bërit politikë, e dje ai tha se, “Një frymë e re doli në pah në Prishtinë”.

Fushata e Ismailit, që kishte nisur herët dhe aktivitetet e tij u komentuan vazhdimisht. Bashkëpunëtorë të tij dhe ata që e përkrahen, e konsideruan fushatën e tij frymë të re në vend.

PDK-ja e themeluar nga Hashim Thaçi me shokë nuk arrinte të depërtonte, as kur pushteti qendror fitohej pa diskutim nga kjo parti.

Ne vitin 2009, kandidati i PDK’së për kryetar të Prishtinës, Astrit Salihu kishte marre 8 mijë e 427 vota ose 12.2 për qind. Ne zgjedhjet e vitit 2013, kandidati i PDK’së për kryetar komune, Agim Çeku, kishte marre 9 mijë e 382 vota ose 10%. Në vitin 2017, me Lirak Çelajn PDK kishte marre 5.128 vota ose 5.8% ndërsa, në vitin 2007, kandidati i PDK’së, Fatmir Limaj kishte marrë 12 mijë e 361 vota ose 19.3 për qind.

Continue Reading

Lajme

Aksident zingjiror në Obiliq, krijohen kolona të gjata

Published

on

Një aksident trafiku zingjiror ka ndodhur rreth orës 22:00 në komunën e Obiliqit.

Sipas informacioneve fillestare, në këtë aksident kanë qenë të përfshirë disa vetura për shkak të ngricave në rrugë.

Si pasojë e aksidentit, janë krijuar kolona të mëdha.

Ndërkohë nuk raportohet për të lënduar.

Continue Reading

Lajme

Surroi: Kemi një qeverisje që nuk prodhon skandale

Published

on

Publicisti kosovar, Veton Surroi, ka thënë se tani Kosova është duke u qeverisur nga një qeveri që nuk prodhon skandale, për dallim nga, siç thotë ai, të mëparshmet, sidomos në fushën e menaxhimit të parasë publike.

“Kemi një qeverisje që nuk prodhon skandale, kemi një qeveri që ka një komshillëk me paranë publike, ne kemi pasur parti në vazhdimësi që kanë prodhur një skandal pas tjetrit sidomos në keq menaxhimin e parasë publike, nga ky aspekt kemi të bëjmë me një qeverisje të përgjegjshme”, ka thënë Surroi në Rubikon.

Sipas Surroit, me Vetëvendosjen në qeveri u krijuan mundësi transformative edhe brenda opozitës, duke i cilësuar zgjedhjet si demokratike dhe lëvizje e mirëfilltë politike.

“Një shumicë e rëndësishme fitoi zgjedhjet parlamentare, por njëkohësisht me këtë shumicë në pushtet u krijuan mundësitë transformative edhe brenda pozitës, kemi të bëjmë me një pushtet që ka krijuar një standard të ri në sjelljen e vet qeverisëse, dhe kemi një standard të ri edhe në opozitë. Kemi të bëjmë me një demokraci vitale e cila po forcohet dhe kemi të bëjmë me një garë pozitive, evoluimi, pos një pushteti qe po përpiqet të vendosë standarde të reja kemi një opozitë, një LDK më dinamike dhe një PDK më kreative, kemi të bëjmë me një lëvizje të mirëfilltë politike”, ka vazhduar ai.

Demokratizimi i zgjedhjeve Surroi thotë se është parë edhe në zgjedhjet e fundit lokale ku qytetarët votuan anëtarë të partive të ndryshme për pushtet qendror e lokal.

“Zgjedhjet vendore janë ndryshe, nga ato qendrore, ky tregon pluralizëm të skenës politike nga ajo që jemi mësuar t’i shohim përpara, pra nuk kemi barrikadizim brenda partisë, dhe një fluiditet i atillë është i shëndoshë në demokraci”, ka shpjeguar publicisti.

Surroi ndër të tjera tha se puna e kësaj qeverie mund të matët me buxhetin që do ta ndajë për vitin e ardhshëm.

“Këtë qeveri do matur me buxhetin që do ta sajojnë sivjet për vitin e ardhshëm”.

Ai foli edhe për raportet e Kosovës me jashtë, duke thënë se që nga pavarësia Kosova ka hyrë e dobët në politikën e jashtme dhe si e tillë është duke vazhduar.

“Kemi hyrë me dobësi në politikën e jashtme prej pavarësisë e tutje, nuk është përjashtim nga rregulli i deritanishëm as kjo qeveri”, ka shtuar Surroi.

Ai theksoi se dialogu me Serbinë është prioritet, edhe pse kjo qeveri nuk e kishte parë si të tillë.

“Edhe pse kanë thënë se nuk është prioritet, dialogu është prioritet”, ka thënë Surroi.

Ai foli edhe për serbët në Kosovë, për të cilët tha se kanë presion nga Beogradi.

“Serbët në Kosovë, për fat keq janë nën trysnin e Beogradit, dhe nuk e kanë lirinë e mjaftueshme të pluralizmit politik”.

Continue Reading

Lajme

Mos dilni jashtë, ajri në Prishtinë cilësohet i dëmshëm për shëndetin

Published

on

Ajri në Prishtinë i tmerrshëm, matësit e cilësojnë të dëmshëm për shëndetin

Rënia ekstreme e temperaturave ka sjellë edhe ajrin tejet të pashëndetshëm në Prishtinë.

Aktualisht, matësi i Ambasadës Amerikane tregon nivelin ndotës prej 183 Ppm.

Ky nivel është tejet i dëmshëm për njeriun.

Vlen të ritheksohet se çështja e ajrit të ndotur në kryeqytetin kosovar është ndër problematikat me të cilën prishtinasit përballen që një kohë të gjatë.

Shkaqe kryesore për këtë sipas vlerësimeve thuhen të jenë gazrat që lirohen nga veturat dhe djegia e qymyrit për ngrohje.

Continue Reading

Trending

Copyright © 2020 toplajmet.ch