Connect with us

Lajme

Parashikimi i motit: Mot i paqëndrueshëm edhe gjatë pesë ditëve të ardhshme

Published

on

parashikimi-i-motit:-mot-i-paqendrueshem-edhe-gjate-pese-diteve-te-ardhshme

Mot i paqëndrueshëm edhe gjatë pesë ditëve të ardhshme, ky është parashikimi.

Vazhdon moti i paqëndrueshëm edhe përgjatë fundjavës, me shi e bubullima. Temperaturat në rënie graduale, shkruan Prishtina Weather.

9.06.2021 – Moti i paqëndrueshëm do të vazhdojë të mbretërojë edhe përgjatë pjesës së dytë të javës. Do të ketë vranësira të ndryshueshme, por nuk do mungojnë edhe intervale me diell, por që gjatë ditës do të ketë kushte për zhvillime të rrebesheve të shpërndara me bubullima.

Nga dita e hënë masa më të ftohta ajrore, që po vijnë nga Atlantiku verior, do të depërtojnë mbi rajonin tonë, ku pritet të zbresin ndjeshëm temperaturat në fillim të javës.

Sipas parashikimeve të fundit, mot më stabil me rritje të temperaturave, mund të pritet tek në pjesën e dytë të javës së ardhshme.

Indeksi i cilësisë së ajrit mbetet në vlera të pranueshme dhe të mira edhe përgjatë ditëve në vijim.

Indeksi i rrezeve UV do jetë në vlera të larta ditën e enjte, e nga e premtja zbret përreth vlerave mesatare.

10.06 – Në mëngjes kryesisht me diell. Ditën shumë ngrohtë, me zhvillime të vranësirave, e pasdite edhe me rrebeshe shiu dhe bubullima.

11.06 – Kryesisht me vranësira. Që nga orët e paradites priten kushte për zhvillime të shtrëngatave me shi, që vazhdojnë deri orëve të mbrëmjes. Vende-vende reshjet mund të jenë intensive, e nuk përjashtohen mundësitë edhe për breshër.

12.06 – Kryesisht vranësira dhe intervale me diell, e pasdite dhe në mbrëmje priten mundësi edhe për rrebeshe shiu e bubullima.

13.06 – Kryesisht me vranësira dhe me të reshura shiu, që gjatë ditës vende-vende shoqërohen edhe me bubullima.

14.06 – Kryesisht me vranësira, e gjatë ditës me mundësi për rrebeshe shiu dhe bubullima.

Temperaturat e ajrit me tendencë të rënies deri ditën e hënë. Minimalet luhaten nga 10C deri 13C, e maksimalet nga 24C e 25C ditën e enjte zbresin deri në 20C ditën e diel, e të hënën edhe në 17C.

Era do të fryj e lehtë dhe mesatare kryesisht nga veriu 3-12m/s.

Shtypja atmosferike do të luhatet brenda vlerave normale, me tendencë të rritjes nga java e ardhshme.

Continue Reading

Lajme

Paralajmërimi i internistit: Edhe Kosova në rrezik nga varianti “Delta” i koronavirusit

Published

on

Janë shfaqur edhe rastet e para të një varianti të ri të SARS COV-2 të quajtur “Varianti indian” ose varianti “delta”.

Këto raste janë shfaqur në Britaninë e Madhe, por edhe Kosova me këtë rast mund të preket nga varianti “delta”.

Kështu të paktën po thotë internisti Driton Vela.

Vela në Edicionin Special në Klan Kosova tha se ky variant përhapet shumë shpejt dhe shumë lehtë.

“Sa për krahasim. Përderisa varianti britanik ishte 50 përqind më i transmetueshëm sesa varitanti klasik, varianti indian ose “delta” është 50 përqind më i transmetueshëm se varianti britanik. Kështu që po flasim për një virus i cili përhapet shumë shpejt dhe shumë lehtë”.

Ai theksoi vaksinat anti-COVID arrijnë efektin 90 përqind tek pasi personat të marrin edhe dozën e dytë të saj.

“Po, sigurisht. Meqenëse ky variant po arrijnë të bartet tek personat që e kane marrë vetëm dozën e parë të vaksinës, për shkak se mund të themi se “thembër e Akilit” e vaksinës është se pas dozës së parë nuk janë edhe aq efikase sikur ndaj varianteve tjera. Tek pas dozës së dytë efikasiteti arrin deri në 90 përqind. Pra, edhe ata që kanë marrë dozën e parë që mund të jenë bashkatdhetarët mund ta bartin. Prandaj, vera mund të jetë me rrezik për Kosovën për shkak se varianti mund të bartet me shpejtësi të madhe”.

Continue Reading

Lajme

Ky është personi që mbeti i vdekur nga therja me thikë sot në Gjilan

Published

on

Një 40 vjeçar me inicialet I.C nga Gjilani ka mbetur i vdekur, pasi është therur me thikë nga i dyshuari B.Z, po nga ky qytet.

Reporteri ka siguruar fotografinë e viktimës.

Ngjarja që ndodhi rreth orës 13:15 dyshohet se erdhi si shkak i fjalosjes së dyshes mes veti, pasi paraprakisht viktima e kishte kërcënuar të dyshuarin një natë më parë në shtëpinë e tij.

Edhe dëshmitarët që panë nga afër ngjarjen thanë se u tronditën me atë që panë.

Nga Spitali i Gjilanit konfirmuan se i ndjeri kishte vdekur në vend të ngjarjes teksa kishte plagë në qafë, gjoks, shpinë dhe dorën e djathtë.

Me urdhër të prokurorit, të dyshuarit i është caktuar masa e ndalimit për 48 orë derisa trupi i pajetë është dërguar për obduksion.

Continue Reading

Lajme

Dialogu Kosovë – Serbi, Mbretëria e Bashkuar del me qëndrim zyrtar

Published

on

Britania e Madhe del me qëndrim zyrtar për dialogun Kosovë-Serbi

Nënsekretarja Parlamentare për Fqinjësinë Evropiane dhe Amerikë në Britani të Madhe, Uendy Morton, ka dalë me qëndrim zyrtar pas takimit me Të Dërguarin Special të BE-së për dialogun Kosovë-Serbi, Miroslav Lajçak.

Morton shkruan që ajo ia ka rikonfirmuar Lajçakut se Britania e Madhe e mbështet dialogun Kosovë-Serbi.

“Unë e rikonfirmova mbështetjen e Britanisë së Madhe për dialogun Kosovë-Serbi në takim me Të Dërguarin Special, Miroslav Lajçak. Ne u pajtuam që të vazhdojmë të ndërtojmë mundësi që të sigurojmë mundësitë për të siguruar një marrëveshje gjithëpërfshirëse dhe të qëndrueshme të normalizimit nga e cila do të përfitonte i gjithë rajoni”, u shprehë Morton në postimin e saj.

Continue Reading

Trending

Copyright © 2020 toplajmet.ch