Connect with us

Sport

Mourinho befason pas humbjes nga Juventusi

Published

on

Mourinho pas humbjes nga Juventusi: Humbi skuadra më e mirë në fushë.

Roma u mposht nga Juventusi në derbin e xhiros së tetë në Serie A, transmeton lajmi.net.

Juventusi fitoi me golin minimal të shënuar nga Moise Kean në minutën e 16-të, gjersa romakët kishin shansin që të barazonin rezultatin në fund të pjesës së parë me anë të Veretout, por dështoi nga pika e penalltisë.

Pas përfundimit të ndeshjes, Mourinho theksoi se skuadra më e mirë humbi në këtë takim, duke qenë krenar me performancën e zhvilluar të lojtarëve të tij në këtë takim.

“Sot mund të them vetëm Romë e madhe”, tha Mourinho në fund të ndeshjes. “Padyshim që një humbje është një humbje, por nëse shikoj projektin, duhet të shikoj gjithashtu rritjen e ekipit dhe mënyrën se si ata luajnë.”

“Ne nuk shënuam asnjë gol, por unë vetëm mund t’i përgëzoj të gjithë. Sipas mendimit tim, skuadra më e mirë në fushë humbi sot.”

“Episodin e penalltisë nuk dua të komentoj. Unë nuk kam të dhëna në dorë, nuk kam dëgjuar asgjë. Unë dua të izolohem nga ky episod dhe të përqendrohem në atë që ekipi im ka bërë. Shpresoj që dikush të thotë publikisht fjalët që dëgjuam nga dhoma e zhveshjes së Juves: ata erdhën për të na uruar ”, vazhdoi Mourinho.

“Ata e dinë që ne e merituam. Unë fitova këtu disa vjet më parë pa e merituar dhe humba sot duke luajtur një lojë që tregon drejtimin në të cilin po shkojmë. Por një humbje është një humbje dhe numrat flasin vetë”.

Portugezi krejt në fund foli edhe për hierarkinë e ekzekutuesve të penalltisë të skuadrës.

“Lojtarët e penalltisë? Abrahami është një djalë plot vetëbesim, ai ishte i përfshirë në penallti. Hierarkia është e qartë: Veretout, Pellegrini, Abraham. Por në atë moment nëse një lojtar tjetër vendos të gjuaj për mua nuk është problem. Si ai ashtu edhe Veretout luajtën një lojë të mrekullueshme. Gjëja e rëndësishme është që të mos shkojmë në shtëpi me keqardhje: kemi luajtur mirë”, përfundoi Mourinho.

Continue Reading
Click to comment

Leave a Reply

Your email address will not be published.

Sport

PSG e shpërblen Marquinhos

Published

on

PSG nis bisedimet për rinovimin me Marquinhos

Paris Saint-Germaini i ka nisur bisedimet me përfaqësuesit e Marquinhos për vazhdimin e kontratës së tij.

Mbrojtësi brazilian ka kontratë me klubin francez deri në vitin 2024, megjithatë ata janë të interesuar që t’ia zgjatin akoma më shumë qëndrimin.

RMC Sport bën të ditur se PSG planifikon t’ia shtojë edhe dy vite të tjera në kontratën e tij, gjegjësisht deri në vitin 2026.

Marquinhos ka zhvilluar 15 ndeshje deri më tani për liderin e Ligue 1 në të gjitha garat duke shënuar tre gola.

27-vjeçari iu bashkua PSG-së në vitin 2013 nga Roma, ku kishte luajtur për një sezon pas transferimit nga Corinthians.

Continue Reading

Sport

Mancini – Manchester United, vjen lajmi bombë nga Anglia

Published

on

Mancini, njëri nga kandidatët për postin e trajnerit të Unitedit

Përzgjedhësi i Italisë, Roberto Mancini, është përfshirë në listën e kandidatëve për të marrë drejtimin e Manchester Unitedit nga sezoni i ardhshëm.

Strategu italian e njeh Ligën Premier nga koha e tij te Manchester City, ndërsa The Telegraph raporton se tash kërkohet nga rivali lokal.

Djajtë e Kuq sapo e kanë angazhuar Ralf Rangnickun në postin e trajnerit të lënë bosh pas shkarkimit të Ole Gunnar Solskjaer.

Mirëpo, strategu gjerman ka kontratë deri në fund të sezonit dhe klubi vazhdon të jetë në kërkim të një trajneri afatgjatë.

E ardhmja e Mancinit te Italia do të varet nga kualifikimi ose jë në Kampionatin Botëror, ‘Katar 2022’, pasi Azzurrët janë në barazh.

Continue Reading

Sport

Pochettino do t’i çmend drejtuesit e PSG-së me këtë deklaratë për Ramosin

Published

on

Sergio Ramos nuk do të luajë ndaj Nice në ndeshjen e vlefshme për javën e 16-të në Ligue 1.

Spanjolli debutoi me PSG gjatë fundjavës ndaj St. Etienne, por ngarkesa e plotë gjatë 90 minutave duket se ka ndikuar drejtpërdrejtë në formën e mbrojtësit.

Ramos u rikthye për të luajtur një ndeshje zyrtare pas 6 muajsh dhe tekniku Pochettino ka vendosur t’i japë pushim në mënyrë që të jetë në dispozicion për sfidën e të shtunës, ndaj Lens.

Diçka të tillë, tekniku e konfirmoi në konferencën e tij përpara takimit me Nice.

“Ramos ishte shumë i lumtur për debutimin e tij, por 15 minutat e fundit ishin të vështira. Mungesa e tij për një kohë të gjatë ka ndikuar dhe e prisnim diçka të tillë. Do të shohim deri përpara fillimit të sfidës, por besoj se Ramos ka nevojë për pak pushim, në mënyrë që të mos rrezikojmë me të, pikërisht kur ai tani është rikthyer”.

Nuk bëhët fjalë për ndonjë dëmtim, apo rikthim të problemeve për spanjollin, por stafi i parizienve nuk kërkon të bëjë lëvizje të nxituara, me një nga lojtarët i cili erdhi jo vetëm me bujë, por në javët e fundit ka patur zëra edhe për një “divorc” midis palëve.

Continue Reading

Trending

Copyright © 2020 toplajmet.ch