Connect with us

Lajme

Molliqaj: Kurti përmes Ligjit për konfiskimin e pasurisë së paligjshme, dëshiron ta kap sistemin e drejtësisë

Published

on

molliqaj:-kurti-permes-ligjit-per-konfiskimin-e-pasurise-se-paligjshme,-deshiron-ta-kap-sistemin-e-drejtesise

Kryetari i Partisë Socialdemokrate, Dardan Molliqaj ka hedhur akuza ndaj kryeministrit Albin Kurti në lidhje me qeverisjen e vendit në këta muaj.

Molliqaj në “Debat Plus” thotë se Kurti përmes Ligjit për konfiskimin e pasurisë së paligjshme po dëshiron të heqë dorë nga reformimi i drejtësisë duke e kapur atë.

“Kurti dëshiron që përmes Ligjit për konfiskimin e pasurisë praktikisht të heq dorë nga reformimi i sistemit të drejtësisë dhe ta kap atë, sepse një nga shtyllat që do të ndiqet nga ky ligj janë prokurorët dhe gjyqtarët”.

Ai thotë se “Kurti po dëshiron të krijojë agjenci të spiunazhit”.

“Kurti po dëshiron të krijojë agjenci të spijunazhit. Po krijohet një agjenci në kuadër të Projektligjit për konfiskimin e pasurisë e cila në bazë të ligjit ka të drejtë ta merr në pyetje çdo qytetar të Kosovës shembull çfarë veture vozitë, çfarë pije konsumon, ku udhëton, e gjëra të tjera që janë të frikshme për qytetarin e Kosovës”, tha ai, përcjell Telegrafi.

Ish-deputeti i Kuvendit të Kosovës thotë se Kurti është zhvendosur ideologjikisht dhe politikisht siç ishte vite më herët.

Mirëpo, i pari i PSD-së thotë se Kurti me metoda të njëjta dhe duke ndjekur rrugën e njëjtë po pretendon ta sjellë ndryshimin në Kosovë.

“Problemi i Kurtit nuk është ndryshimi i fjalëve, por mos ndryshimi i konceptit të dialogut”.

Molliqaj thotë se një ndryshim të vogël Kurti e ka vetëm me Ligjin për konfiskimin e pasurisë.

Por sipas tij edhe këtë ndryshim Kurti po e merr nga vendet e gabuara të BE-së siç janë Hungaria dhe Polonia.

Continue Reading

Lajme

Gjakova shënon nesër ditën e çlirimit

Published

on

Gjakova kremton nesër 22-vjetorin e çlirimit.

Gjakova do të shënojë nesër 14 Qershorin – Ditën e Çlirimit, ku do të kujtohen dhe nderohen dëshmorët e kësaj komune, të cilët luftuan, sakrifikuan dhe flijuan jetën për liri.

Aktivitetet e shumta me rastin e kësaj dite do të fillojnë me homazhe te lapidari “Shokët e lirisë”, në sheshin “Agron Rama”, varrezat e dëshmorëve dhe martirëve në Meje dhe varrezat e martirëve në Çabrat, për të vazhduar me ndarjen e medaljeve për familjet e dëshmorëve të Komunës së Gjakovës.

Një program muzikor për fëmijë do të mbahet në Parkun e madh të qytetit, për të vazhduar me shfaqjen e mozaikut “Djemtë e Asfaltit”, punuar nga Alkent Pozhegu në Pallatin e Sporteve “Shani Nushi”.

Aktivitetet me rastin e 22-vjetorit të çlirimit, do të përfundojnë në mbrëmje me hapjen e ekspozitës kolektive Galeria e Arteve në Pallatin e Kulturës “Asim Vokshi” dhe një koncert festiv në Parkun e madh të qytetit.

Continue Reading

Lajme

Zgjedhjet për kryetar të PD-së, Basha merr 80% të votave

Published

on

PD shpall rezultatin paraprak, Basha merr mbi 80% të votave

Kryetari i Komisionit të Administrimit të Zgjedhjeve në PD, Jemin Gjana ka bërë të ditur se rezultati zyrtar për kryetar partie pritet të publikohet nesër, ndërsa ai paraprak flet për një fitore bindëse të Lulzim Bashës.

Kryetari aktual i PD, sipas rezultatit paraprak të publikuar nga PD, ka marrë mbi 80% të votave. Kandidati i dytë më i votuar është Agron Shehaj me 15.55%, ndërsa Edit Harxhi ka marrë 2.45% dhe Fatbardh Kadilli 2% të votave, sipas Euroneës Albania.

Këto janë zgjedhjet e treta brenda PD-së që Lulzim Basha fiton. Në garën e parë për të marrë drejtimin e PD, ai fitoi në vitin 2013 përballë Sokol Olldashit, ndërsa në vitin 2017 pas humbjes në zgjedhjet parlamentare fitoi sërish garën për të qenë kryetar partie përballë Eduart Selamit.

Lulzim Basha e ka drejtuar Partinë Demokratike deri tani në tri procese zgjedhore kombëtare pa llogaritur zgjedhjet lokale 2019, që opozita i bojkotoi, zgjedhjet lokale 2015, zgjedhjet parlamentare 2017 dhe zgjedhjet e fundit parlamentare më 25 prill 2021.

Sprova e tij më e afërt do të jenë zgjedhjet lokale që parashikohet të zhvillohen në 2023. Por, në rast se Gjykata Kushtetuese nuk e shpall të vlefshëm procesin e mbajtur në vitin 2019, atëherë mund të kemi një datë më të afërt për përsëritjen e zgjedhjeve lokale që u mbajtën pa opozitën.

Continue Reading

Lajme

Osmani për Al Jazeera: Përpjekjet e UÇK’së ishin ta çlironin Kosovën nga regjimi gjenocidal

Published

on

Presidentja e Kosovës, Vjosa Osmani ka dhënë intervistë për mediumin Al Jazeera.

Derisa ka folur për ish-krerët e UÇK’së që po gjykohen në Hagë për krime lufte, Osmani ka thënë se Ushtria Çlirimtare e Kosovës të gjitha përpjekjet i ka pasur të, siç shprehet ajo, çlirojnë Kosovën nga regjimi gjenocidal.

“Në të njëjtën kohë, duhet të theksoj se Ushtria Çlirimtare e Kosovës ishte një ushtri që doli nga njerëzit dhe luftoi për çlirimin. Në këtë kuptim, unë do t’i vija theksin fjalës çlirim, sepse të gjitha përpjekjet e saj ishin për të çliruar Kosovën nga regjimi gjenocid”, deklaroi presidentja Osmani.

Tutje, ajo thotë se përkundër dallimeve politike që ka pasur me ish-presidentin e Kosovës, Hashim Thaçi, dhe disa nga ish-udhëheqësit e tjerë të UÇK’së, të gjithëve duhet t’u çmohet kontributi për liri e pavarësi.

“Padyshim që kemi pasur dallime politike në të kaluarën me z. Thaçi dhe disa nga udhëheqësit e tjerë. Sidoqoftë, ka një gjë për të cilën jemi dakorduar të gjithë, të gjithë bashkërisht kemi kontribuar në lirinë dhe pavarësinë e Kosovës dhe ky është një kontribut që duhet të vihet në pah. Në të njëjtën kohë, ishte Kuvendi i Kosovës me vullnetin e tyre që ka themeluar Dhomat e Specializuara, të cilat duhet të punojnë me ligjet e Kosovës dhe Kushtetutën e Kosovës, në atë kuptim. Çdokush nga ne duhet të kuptojë kontributin që këta udhëheqës i kanë dhënë drejtësisë ndërkombëtare duke punuar vullnetarisht me Dhomat e Specializuara”, ka deklaruar ajo.

E para e vendit, tutje ka folur edhe për ‘non-papers’, të cilat i ka quajtur jo-relevante, derisa ka thënë se ato do lihen jashtë tryezës së diskutimit për dialogun Kosovë-Serbi në nivel të lartë politik.

“Për më tepër, unë do të doja të theksoja se këto letra nuk janë fare të rëndësishme. Ne duhet të kemi vetëbesim, sepse e dimë që kjo është një ide e rrezikshme, nuk kemi nevojë për një ‘non-paper’ për të na treguar se çfarë të bëjmë. Ne dimë çfarë të bëjmë dhe dimë çfarë të shmangim, dhe një nga aventurat e rrezikshme që do të shmangim me çdo kusht është ajo që lidhet me ndryshimet e kufijve”, ka thënë ndër të tjera Osmani.

Continue Reading

Trending

Copyright © 2020 toplajmet.ch