Connect with us

Lajme

Konfirmohet se sa kosovarë janë infektuar me COVID-19 deri më tani

Published

on

konfirmohet-se-sa-kosovare-jane-infektuar-me-covid-19-deri-me-tani

Rënia e rasteve me COVID-19, infektologu Tolaj: Rreth 70% e qytetarëve e kanë kaluar virusin, të hapet vendi. Ka më shumë se një muaj që në Kosovë ka filluar të bie numri i rasteve pozitive me COVID-19.

Vetëm nga 19 maji deri më 28 maj në total janë bërë 25 mijë e 591 teste, ndërsa pozitivë kanë rezultuar 328 raste.

Brenda ditës numri i testimeve ka kapur shifrën mbi 4 mijë, ndërsa vetëm 62 qytetarë kanë rezultuar pozitivë.

IKSHPK-ja është qendra kryesore e testimit për Covid-19, por interesimi për testim këtu ka rënë dukshëm në kohën e fundit. Derisa, puna për testim fillon në mëngjes, gjatë ditës me orë të tëra këtu nuk shihet asnjë qytetar për t’u testuar. Tani më një rekomandim i mjekut nuk është i domosdoshëm për t’u testuar, pasi ky proces mund të kryhet edhe pa një udhëzim mjekësor, shkruan lajmi.net.

Në mesin e atyre të pakët që kanë ardhur për të bërë testim, ka raste kur këtë test e bëjnë se rruga iu bie kah IKSHPK-ja

Numri i testimeve ka rënë edhe nëpër laboratoret private. Ndërsa, ata të cilët kryejnë testime në këto laboratore, këtë kryesisht e bëjnë për arsye udhëtimi.

“Përafërsisht këtë javë diku, po e marrim një mesatare, kemi pas diku rreth 100 testime, gjatë javës së fundit. Ndoshta për raste pozitive mund të them që ka qenë vetëm një rast apo dy…Shumica e të testuarve, sidomos gjatë kohës së fundit, janë udhëtarë d.m.th. kërkojnë të testohen pasi për shkaqe udhëtimi e kanë obligueshme me pas testit…Me krahasu me muajin shkurt dhe mars, trendi i testimeve ka rënë dukshëm, po ashtu edhe numri i rasteve pozitive”, ka treguar për lajmi.net Altina Zeka – Haxhijaha nga laboratori “ProLab”.

Dallimi i numrit të testimeve dhe rasteve pozitive në periudha të caktuar kohore është vërejtur edhe në laboratorin tjetër privat. Në ditët e fundit këtu numri i testimeve ditore ka shkuar në qindra, ndërsa pozitiv ka rezultuar vetëm një rast.

“Mund të themi se prej kure kemi fillu ne si laborator me testimin e pacientëve, në fillim normalisht që ka qenë numër më i lartë i të infektuarve, që kanë rezultuar pozitivë. Po të bëjmë një krahasim, në muajin nëntor kemi pas diku 200 testime brenda ditës dhe pozitivë mesatarisht kanë rezultuar 50 persona. Mirëpo, me kalimin e kohës, kohëve të fundit ka rënë numri. Nëse bëjmë krahasim, në muajin shkurt numri i rasteve pozitive ka qenë 7, ndërsa testime te njëjta, 150 – 200 testime. Në muajin maj, deri tash kemi vetëm një pozitiv, ndërsa brenda ditës janë kryer 100-150 testime”, ka bërë të ditur për lajmi.net mjekja, Merita Raci nga laboratori “Avicena”.

Rënia e numrit të rasteve pozitive me Covid-19 në Kosovës, po konsiderohet se po ndodhë për shkak se ka përfunduar vala e tretë e pandemisë dhe se rreth 70% e qytetarëve e kanë kaluar këtë virus.

“Kjo është shenjë që vala e tretë tashmë ka përfunduar. Me valën e tretë një pjesë e madhe e popullatës së Kosovës duket që e ka kaluar infeksionin, qoftë në mënyrë klinikisht të dukshme apo edhe në mënyrë të padukshme. Kur flas një pjesë e madhe e popullatës, e mendoj përqindjen mbi 60 apo edhe 70%. Kjo përqindje e njerëzve të cilët në ndonjë mënyrë kanë rënë në kontakt me virusin, i cili pas vetës ka lënë një imunitet te shkalës të caktuar, imunitet që nuk do të thotë që mund të dokumentohet vetëm me teste serologjike, meqenëse komponentët e sistemit imun janë të ndryshëm dhe nëse nuk funksionin njëra komponentë, funksionon tjetra. Ky imunitet i përgjithshëm ka krijuar imunitetin kolektiv, i cili është mbrojtës për mbarë popullatës”, ka thënë infektologu Ilir Tolaj për lajmi.net.

Tolaj konsideron se pandemia në Kosovë në të ardhmen nuk do të sjellë ndonjë të papritur, pasi nuk do të ketë rritje enorme të rasteve pozitive.

Duke pas parasysh situatën aktuale me pandeminë, ai thekson se vendi është i gatshëm që hapët plotësisht.

04:20 Kosova është plotësisht e përgatitur që të hapet plotësisht. Autoritetet shëndetësore duhet me përcjell situatën…Duhet që autoritetet t’i heqin kufizimet, në kuptim e mbajtjes së maskave në ambientin e hapur, nuk është e nevojshme një gjë e tillë meqenëse është vërtetuar që infeksionet e ambientet e hapur janë vështirë të mundshme. E njëjta gjë duhet të bëhet edhe për lokalet hotelerike në ambientin e hapur, ndërsa për ato të mbyllura, duke u bazuar në situatën e tashme, nëse ekziston një ventilim adekuat dhe nëse ekziston hapësira adekuate, atëherë është e mundur të lejohen edhe tubime, manifestime e ahengje edhe me numër më të madhe sesa numri i kufizuar deri tash, ka shtuar ai.

Në lidhje me procesin e vaksinimit, Tolaj thotë se deri tash ishte dashtë që numri i të vaksinuarve të shkonte mbi 500 mijë dhe se duhet të përshpejtohet ky proces.

E, në anën tjetër, në koosvë ka filluar të bëhet edhe një test tjetër i cili pasqyron qartë efikasitetin e vaksinës anti-Covid.

“Analizën të cilën e punojmë dhe e cila kohët e fundit kërkohet shumë, është analiza e antitrupave ndaj vaksinës apo spyproteine. Pacientët të cilët janë të vaksinuar ose kanë marrë dozën e parë të vaksinës, pas javës së dytë vijnë dhe testohen dhe rritet titri i antitrupave. Pikërisht është vetëm kjo metodë, e cila detekton antitrupat ndaj vaksinës… Dikun rezultati pas javës së dytë ose të tretë pas marrjes së dozës së parë të vaksinës, 90% e pacientëve që kanë ardh kanë fitu numër të madh të antitrupave”, ka shtuar mjekja Raci.

Continue Reading

Lajme

Mësoni këto veprime nëse telefoni juaj është lagur dhe nuk do të ndizet

Published

on

Ndiqni këto veprime nëse telefoni juaj është lagur dhe nuk do të ndizet.

Nëse e keni lagur telefonin tuaj në shi, e keni hedhur në ujë ose keni derdhur lëng mbi të, nuk jeni i vetmi.

Një studim sugjeron që 25% e përdoruesve të telefonave të mençur e kanë dëmtuar telefonin e tyre me ujë ose ndonjë lloj tjetër lëngu, përcjell Telegrafi.

Siç edhe dihet, depërtimi i lëngjeve në një telefoni të mençur mund të ndikojë në pajisje në disa mënyra.

Mund të çojë në: foto të paqarta, audio e zhurmshme, ose fare audio, një paaftësi për tu karikuar, ndryshkja e pjesëve të brendshme, ose një fund total për të gjithë funksionalitetin.

Dhe ndërsa telefonat e rinj reklamohen si “rezistent ndaj ujit”, kjo nuk do të thotë që ata janë të papërshkueshëm nga uji, ose plotësisht të imunizuar ndaj ujit.

Sidoqoftë, rezistenca ndaj ujit nënkupton që pajisja mund të trajtojë disa ekspozime ndaj ujit para se të ndodhë dëmtimi thelbësor.

Kështu, ekspozimi ndaj ujit është diçka që prodhuesit e kanë në mendje kur projektojnë telefonat, përcjell Telegrafi.

Por çfarë duhet bërë nëse ndodh një gjë e tillë?

1. Fikni pajisjen menjëherë dhe mos shtypni asnjë buton.

2. Fshijeni telefonin me “peshqir letre” ose një leckë të butë.

3. Shkundni butësisht pajisjen për të hequr ujin nga portat e karikimit, por shmangni tundjen e fortë pasi kjo mund të përhapë më tej lëngun brenda.

4. Hiqni kartën SIM.

5. Përdorni një pastrues ajri të kompresuar për të fryrë ujin nëse keni një të tillë. Shmangni përdorimin e një tharëse të nxehtë pasi nxehtësia mund të shkatërrojë pjesët prej plastike dhe të dëmtojë ekranin.

6. Thani telefonin (dhe posaçërisht portat) para një ventilatori.

7. Lëreni telefonin tuaj në një enë hermetike të mbushur me pako xhel silicë (ato pako të vogla që merrni brenda këpucëve dhe çantave të reja), ose një agjent tjetër tharës. Këto ndihmojnë në thithjen e lagështisë.

8. Mos e karikoni telefonin derisa të jeni i sigurt se është tharë. Karikimi i një pajisje me lëng ende brenda saj, ose në porte, mund të shkaktojë dëme të mëtejshme. Apple sugjeron të presësh të paktën pesë orë sapo një telefon të shfaqet i thatë përpara se ta karikosh.

9. Nëse hapat e mësipërm nuk ndihmojnë dhe jeni akoma i mbërthyer me një pajisje në dukje të vdekur, mos u përpiqni ta hapni vetë telefonin. Më mirë ta çojeni te një profesionist.

Continue Reading

Lajme

Nga e hëna ngritën temperaturat, ky është parashikimi i motit

Published

on

Ky është parashikimi i motit për deri ditën e hënë .

Në pjesën e dytë të javës mot shumë i ngrohtë, e priten edhe rrebeshe shiu. Nga e hëna më nxehtë, temperaturat edhe mbi 30 gradë Celsius.

Ditëve në vijim pritet të mbajë mot më jostabil, por shumë i ngrohtë. Orët e mëngjesit kryesisht fillojnë me intervale me diell, e gjatë ditës priten zhvillime të rrebesheve të shiut me bubullima, të cilat do të jenë më të shpërndara në vend, njofton Prishtina Weather.

Ditën e diel mundësitë për reshje mbeten më shumë përreth viseve malore.

Nga dita e hënë, gjatë javës së ardhshme të nxehtit nga Europa pritet të shtrihet edhe nga vendi ynë, që pritet të rrisë temperaturat maksimale edhe mbi 30C.

Indeksi i cilësisë së ajrit, gjatë kësaj periudhe do të jetë në në vlera të pranueshme dhe të mira, mirëpo kohëpaskohe mund të kaloj shkurtimisht edhe në mesatare.

Indeksi i rrezeve UV do të jetë në vlera të larta dhe shumë të larta, prandaj në këto ditë preferohet ekspozim më i ulët ndaj rrezeve të diellit përgjatë orëve të mesdites.

17.06 – Shumë ngrohtë. paradite kryesisht me diell. Ditën zhvillime të vransirave, e më vonë vende-vende priten rrebeshe shiu me bubullima.

18.06 – Mbetet mot shumë i ngrohtë. Paradite kryesisht me diell. Ditën vransirat shtohen, e vende-vende priten zhvillime të rrebesheve me bubullima.

19.06 – Vransira dhe intervale me diell. Pasdite me zhvillime të rrebesheve me bubullima.

20.06 – Më shumë diell, e gjatë ditës përreth viseve malore me mundësi për rrebeshe shiu me bubullima.

21.06 – Mot i nxehtë, kryesisht me diell.

Temperaturat minimale luhaten nga 13C deri 16C, e maksimalet nga 25C deri 27C, e të hënën rriten edhe deri në 30C.

Era do të fryj me intenzitet mesatar kryesisht nga krahu verior 3-12m/s.

Shtypja atmosferike lëviz pak mbi vlera normale, me tendencë të rënies në fundjavë.

Continue Reading

Lajme

Shtrihet në spital Shefqet Krasniqit, i rëndohet gjendja pasi u infektua me koronavirus

Published

on

Shefqet Krasniqi shtrihet në QKUK, i rëndohet gjendja pasi u infektua me koronavirus.

Hoxhë Shefqet Krasniqi është infektuar me COVID-19.

Gazeta inFokus mëson se hoxhë Krasniqi është shtrirë në Klinikën Infektive pasi iu rëndua gjendja shëndetësore.

E që Krasniqi ka probleme shëndetësore e kanë bërë të ditur edhe në faqen e tij ku njoftohen ndjekësit se në këtë javë ai nuk do të mbajë ligjëratën e përjavshme për shkak të problemeve shëndetësore.

“Këtë javë nuk do të mbahet ligjërata e përjavshme e tefsirit për arsye shëndetësore të hoxhës Shefqet Krasniqi, me lejen e Allahut do të vazhdojmë nga java e ardhshme”, thuhet në njoftimin në faqen e Krasniqit.

Continue Reading

Trending

Copyright © 2020 toplajmet.ch