Connect with us

Lajme

Kërkohet respektimi i masave ose rastet do të rriten

Published

on

kerkohet-respektimi-i-masave-ose-rastet-do-te-rriten

Humolli: Nëse nuk respektohen masat mund të ketë rritje të rasteve.

Isme Humolli, zyrtare profesionale e emergjencave në Organizatën Botërore të Shëndetësisë në Kosovë, në një intervistë për Radion Evropa e Lirë thotë se situata aktuale me pandeminë në Kosovë është e njëjtë edhe me shtetet e rajonit dhe më gjerë.

Ajo thotë se tani është një fazë e qetësisë, që është e favorshme dhe shpresëdhënëse. Megjithatë, Humolli thotë se ekziston rreziku i rritjes së rasteve, nëse nuk respektohen masat.

Radio Evropa e Lirë: Zonja Humolli, në Kosovë ditëve të fundit është zvogëluar dukshëm numri i rasteve të personave të prekur me COVID-19. Si e shihni gjendjen aktuale?

Isme Humolli: Faktikisht, gjendja aktuale në Kosovë është e njëjtë me gjendjen në shtetet e rajonit dhe më gjerë. Është një fazë e qetësisë, që është e favorshme dhe shpresëdhënëse, por në këtë rast nuk guxojmë të lirohemi tepër, për shkak se mundësia e rikthimit të rasteve është shumë e madhe dhe një mundësi e tillë ekziston.

Një shembull konkret e kemi Anglinë, e cila për një periudhë disamujore kishte rënie enorme të rasteve, mirëpo ditëve të fundit po shihet se rastet janë rritur.

Andaj, kjo është shpresëdhënëse, është diçka jashtëzakonisht e mirë, por ne si qytetarë duhet të vazhdojmë t’i respektojmë masat parandaluese dhe kontrolluese.

Radio Evropa e Lirë: Sipas jush, çka ka ndikuar në uljen e numrit të rasteve?

Isme Humolli: Numri i rasteve ka rënë për shkak të ngritjes së vetëdijes së qytetarëve dhe masave restriktive dhe atyre kontrolluese: vendosja e maskës, respektimi i distancës dhe mosgrumbullimi i një numri të lartë të njerëzve në ambiente të mbyllura. Këta janë tre faktorë të cilët ndikojnë shumë. Nëse këtyre ua shtojmë edhe komponentin e vaksinimit, atëherë duhet të shpresojmë, dhe është një indikator pozitiv që brenda një kohe, numri i rasteve do të bie dhe do të jetë stabil. Pra, do të jetë një rënie më e qëndrueshme.

Radio Evropa e Lirë: Si e keni parë procesin e vaksinimit që është zhvilluar deri tash. A mendoni se do të ketë vaksina të mjaftueshme në muajt në vijim?

Isme Humolli: Vaksinimi që është duke u zhvilluar është rezultat i një pune të përbashkët të Organizatës Botërore të Shëndetësisë, UNICEF-it dhe Ministrisë së Shëndetësisë, ku kemi arritur të sigurojmë një sasi të konsiderueshme të vaksinave përmes mekanizimit të COVAX-it.

Nëse kësaj ia shtojmë edhe nënshkrimin e marrëveshjes së Ministrisë së Shëndetësisë (me kompaninë Pfizer), atëherë mund të themi se për një kohë, Kosova do të ketë vaksina të konsiderueshme për vaksinimin e qytetarëve.
Është një proces që është duke vazhduar, ndoshta jo me numrin e dëshiruar të të vaksinuarve, por që është stabil dhe ky proces pritet të rritet me vaksinimin masiv, proces të cilin, ministria veç e ka proklamuar që do të fillojë më 15 qershor të këtij viti.

Radio Evropa e Lirë: A duhet të përshpejtohet procesi i vaksinimit?

Isme Humolli: Procesi i vaksinimit dhe shpejtësia e këtij procesi varet nga sasia e vaksinave që i kemi dhe nga përgjigja e popullatës. Ideja është që sa më shumë persona të vaksinohen për një kohë sa më të shkurtër. Nëse pas 15 qershorit, (autoritetet e Kosovës) arrijnë ta përshpejtojnë procesin, atëherë duhet të jemi të kënaqur dhe rezultatet do të jenë evidente.
Radio Evropa e Lirë: Edhe sa vaksina pritet të vijnë në Kosova nga programi COVAX dhe të cilës kompani farmaceutike do të jenë?

Isme Humolli: Nga COVAX-i pritet të vijë edhe sasia e mbetur e AstraZenecas. Nëse nuk gaboj, COVAX-i ka sjellë të gjithë sasinë për Pfizer. Tash ka mbetur, nëse nuk gaboj, edhe një sasi prej përafërsisht 40 mijë dozave të AstraZenecas. Kjo me siguri nuk do të jetë sasia dhe kontingjenti i fundit, por do të bëjmë përpjekje që ta përkrahim Kosovën edhe me sasi të tjera.

Radio Evropa e Lirë: Qeveria ka lehtësuar dukshëm disa nga masat parandaluese kundër koronavirusit. Si mendoni, a është normale kjo gjë?

Isme Humolli: Zbutja e masave, por jo largimi i tërësishëm i tyre është i pranuar dhe normalisht, në bazë të zhvillimit të situatës epidemiologjike ato sërish mund të ashpërsohen apo edhe mund të zbuten edhe më shumë.

Radio Evropa e Lirë: Pritet në Kosovë që të kthehet mërgata, por edhe rifillimi i organizimit të ahengjeve të ndryshme. A mund të ketë rrezik të ri për përhapjen e COVID-19?

Isme Humolli: Nëse numri i pjesëmarrësve në ahengje, dasma dhe ndeja të ndryshme është i lartë, ku nuk respektohet distanca dhe rekomandimet e Ministrisë së Shëndetësisë dhe të Institutit Kombëtar të Shëndetësisë Publike, me siguri se do të kemi rritje (të rasteve me COVID-19).

Isme Humolli: Nëse nuk respektohen masat, nëse nuk vazhdojmë që secili prej nesh të japë kontributin në këtë aspekt, ekziston rreziku që të kemi rritje të rasteve. Ta rikujtojmë, vitin e kaluar në Kosovë numri i rasteve është rritur diku në shtator-tetor, kur i tejkaluam kapacitetet spitalore. Kështu që, rreziku ekziston çdoherë për aq sa ekziston burimi i infeksionit dhe rastet aktive.

Në Kosovë, numri i rasteve aktive edhe pse ka rënë dukshëm, këto raste janë burim i infeksionit dhe potencialisht paraqesin rrezik për popullatën e ndjeshme dhe të shëndosh.

Continue Reading

Lajme

Paralajmërimi i internistit: Edhe Kosova në rrezik nga varianti “Delta” i koronavirusit

Published

on

Janë shfaqur edhe rastet e para të një varianti të ri të SARS COV-2 të quajtur “Varianti indian” ose varianti “delta”.

Këto raste janë shfaqur në Britaninë e Madhe, por edhe Kosova me këtë rast mund të preket nga varianti “delta”.

Kështu të paktën po thotë internisti Driton Vela.

Vela në Edicionin Special në Klan Kosova tha se ky variant përhapet shumë shpejt dhe shumë lehtë.

“Sa për krahasim. Përderisa varianti britanik ishte 50 përqind më i transmetueshëm sesa varitanti klasik, varianti indian ose “delta” është 50 përqind më i transmetueshëm se varianti britanik. Kështu që po flasim për një virus i cili përhapet shumë shpejt dhe shumë lehtë”.

Ai theksoi vaksinat anti-COVID arrijnë efektin 90 përqind tek pasi personat të marrin edhe dozën e dytë të saj.

“Po, sigurisht. Meqenëse ky variant po arrijnë të bartet tek personat që e kane marrë vetëm dozën e parë të vaksinës, për shkak se mund të themi se “thembër e Akilit” e vaksinës është se pas dozës së parë nuk janë edhe aq efikase sikur ndaj varianteve tjera. Tek pas dozës së dytë efikasiteti arrin deri në 90 përqind. Pra, edhe ata që kanë marrë dozën e parë që mund të jenë bashkatdhetarët mund ta bartin. Prandaj, vera mund të jetë me rrezik për Kosovën për shkak se varianti mund të bartet me shpejtësi të madhe”.

Continue Reading

Lajme

Ky është personi që mbeti i vdekur nga therja me thikë sot në Gjilan

Published

on

Një 40 vjeçar me inicialet I.C nga Gjilani ka mbetur i vdekur, pasi është therur me thikë nga i dyshuari B.Z, po nga ky qytet.

Reporteri ka siguruar fotografinë e viktimës.

Ngjarja që ndodhi rreth orës 13:15 dyshohet se erdhi si shkak i fjalosjes së dyshes mes veti, pasi paraprakisht viktima e kishte kërcënuar të dyshuarin një natë më parë në shtëpinë e tij.

Edhe dëshmitarët që panë nga afër ngjarjen thanë se u tronditën me atë që panë.

Nga Spitali i Gjilanit konfirmuan se i ndjeri kishte vdekur në vend të ngjarjes teksa kishte plagë në qafë, gjoks, shpinë dhe dorën e djathtë.

Me urdhër të prokurorit, të dyshuarit i është caktuar masa e ndalimit për 48 orë derisa trupi i pajetë është dërguar për obduksion.

Continue Reading

Lajme

Dialogu Kosovë – Serbi, Mbretëria e Bashkuar del me qëndrim zyrtar

Published

on

Britania e Madhe del me qëndrim zyrtar për dialogun Kosovë-Serbi

Nënsekretarja Parlamentare për Fqinjësinë Evropiane dhe Amerikë në Britani të Madhe, Uendy Morton, ka dalë me qëndrim zyrtar pas takimit me Të Dërguarin Special të BE-së për dialogun Kosovë-Serbi, Miroslav Lajçak.

Morton shkruan që ajo ia ka rikonfirmuar Lajçakut se Britania e Madhe e mbështet dialogun Kosovë-Serbi.

“Unë e rikonfirmova mbështetjen e Britanisë së Madhe për dialogun Kosovë-Serbi në takim me Të Dërguarin Special, Miroslav Lajçak. Ne u pajtuam që të vazhdojmë të ndërtojmë mundësi që të sigurojmë mundësitë për të siguruar një marrëveshje gjithëpërfshirëse dhe të qëndrueshme të normalizimit nga e cila do të përfitonte i gjithë rajoni”, u shprehë Morton në postimin e saj.

Continue Reading

Trending

Copyright © 2020 toplajmet.ch