Connect with us

Jetë

Kek me qumësht të ngrohtë – Ëmbëlsia që i duhet çdo shtëpie

Published

on

Nëse ka një karakteristikë që e veçon kekun nga ëmbëlsirat e tjera, pa dyshim që është butësia e jashtëzakonshme.

Një fetë keku e ngrohtë, plot aromë të mirë brumi të sapo pjekur, është mënyra më e mirë për të nisur ditën apo për të kaluar pasditet.

Përbërësit

200 ml qumësht

200 gr miell

180 gr sheqer

60 gr gjalpë pa kripë

4 vezë

6 gr fryrës për ëmbëlsira

lëkura e një limoni e grirë

kripë

Përgatitja

Për të nisur me përgatitjen e kësaj recete AgroWeb.org ju këshillon që të ndizni furrën paraprakisht në temperaturën 180 gradë C.

Më pas vazhdoni me përgatitjen duke zgjedhur një enë të thellë.

Në të shtoni vezët dhe përziejini me anë të një rrahësi elektrik ose më dorë dhe në fund shtroni shumë pak kripë.

Teksa përzieni shtoni pak nga pak edhe sheqerin dhe vazhdoni kështu për të paktën 10 minuta ose derisa të formohet një masë kremoze e fryrë.

Merrni një sitë të vogël dhe hidhni miellin pak nga pak përsëri tek ena ku ndodhen vezët dhe sheqeri.

Po kështu shtoni edhe fryrësin për ëmbëlsira dhe me anë të një luge të madhe, filloni të përzieni miellin nga poshtë lart.

Bëjeni këtë derisa të shikoni që është formuar një masë brumi e trashë dhe pa kokrriza.

Në këtë pikë, merrni 4-5 lugë gjelle brumë dhe lërini në një enë mënjanë.

Ndërkohë vini në zjarr një tenxhere  të vogël të mbushur me qumësht, shtoni aty dhe gjalpin, lëreni të shkrijë derisa fillojë të krijojë bulëza.

Hidheni më pas qumështin me gjalpin, tek ena me pak brumë që latë mënjanë më parë dhe përzieni mirë, derisa të bashkohen.

Shtojeni edhe këtë masë të vogël e të lëngshme brumi, tek ena ku ndodhet pjesa e brumit të përgatitur në fillim dhe përzieni me kujdes.

Në fund shtoni lëkurën e grirë të një limoni të vogël dhe përzieni mirë të gjithë përbërjen e brumit.

Për pjekjen

Përgatisni një tavë pjekje rrethore me madhësi 20 cm dhe lyejini pak me vaj ose shtrojeni me letër pjekje.

Më pas hidhni në të brumin e kekut që përgatitët.

Tundeni pak me duar tavën dhe futeni në furrë në temperaturën 180 gradë C për 30-35 minuta.

Sipas dëshirës në 10 minutat e fundit mund ta ngrini pak temperaturën e furrës.

Keku juaj do të jetë gati kur të ketë marrë një pamje të artë në sipërfaqe.

Pasi të jetë pjekur, nxirreni nga furra dhe konsumojeni të ngrohtë me pak çaj.

Gjithashtu mund ta ruani të mbyllur në frigorifer në një enë qelqi për 4 ditë./Lajmi.net/

Continue Reading

Jetë

A ka afat skadence çaji? Ja si ta dalloni nëse është i pijshëm apo jo

Published

on

Çaji i malit është një nga bimët që rrallëherë mungon në shtëpitë shqiptare. Shumë prej nesh e pinë atë rregullisht çdo ditë, pa vrarë mendjen për ndryshimet në cilësinë e tij si pasojë e mënyrës së gabuar të ruajtjes.

Në këtë artikull do të zbuloni më shumë mbi jetëgjatësinë e çajit dhe aspektet e sigurisë së konsumit të tij.

Jetëgjatësia e Çajit

Çaji i papërpunuar humbet cilësinë shumë më shpejt se çaji në bustinë. Kur nuk është i paketuar, gjethet e çajit përthithin shumë më shpejt lagështinë dhe aromat. Kjo ndodh si pasojë e mënyrës së gabuar të ruajtjes. Megjithatë, çdo lloj çaji ka karakteristikat dhe jetëgjatësi të ndryshme të cilat ndikojnë në cilësinë e tij. Vlerat sigurisht janë më të madhe në çajërat e papërpunuar, por duhet pasur kujdes me ruajtjen.

Çaji i zi

Çaji i zi i nënshtrohet oksidimit dhe fermentimit të plotë që ka si qëllim të zgjasë jetëgjatësinë e tij. Nëse e ruani siç duhet, çaji i zi jo i paketuar mund të konsumohet për 18 muaj ndërsa në bustinë ai mund të konsumohet brenda 2 viteve.

Çaji i malit, çajërat bimorë dhe çaji jeshil

Në rast se nuk përpunohen dhe paketohen, jetëgjatësia e këtyre çajërave është disi më e shkurtër. Ndonëse substancat mirëbërëse të çajërave mbeten të paprekur, ekspertët këshillojnë që këto çajëra të konsumohen brenda një viti nga data e mbledhjes. Megjithatë, disa prej tyre e ruajnë aromën dhe shijen edhe 18 muaj nga data e mbledhjes.

 Si të dalloni nëse çaji është i prishur

Çajërat përmbajnë vajra esencialë të cilët nëse ekspozohen ndaj lagështisë, thartohen. Përtharja e vajrave esencialë të bimës dallohet kur gjethet bëhen tepër të thata. AgroWeb ju këshillon mënyrat e mëposhtme për të kuptuar nëse çaji është tejet i vjetruar.

Nuhatni gjethet

Nëse vini re që çaji ka humbur aromën e tij karakteristike e të ndezur, atëherë me siguri vajrat esencialë kanë avulluar. Kjo nënkupton se çajit i mungon shija dhe aroma e mirë

Ziejeni

Nëse e zieni çajin për rreth 3 deri në 5 minuta dhe sërish aroma është tepër e zbehtë për të zgjuar shqisat tuaja, atëherë gjethet janë të vjetruara. Nëse gjethet e çajit janë të lagështa ose janë ndotur me substanca të tjera, atëherë ato do të ngjajnë të pluhurosura. Aroma e gjetheve mund të jetë si ajo e mykut. Kjo është një kambanë alarmi që çaji duhet hedhur. /Lajmi.net/

Continue Reading

Jetë

Vlerat e jashtëzakonshme të kungullit dhe përfitimet e tij

Published

on

Kungulli është shumë më shumë se një dekorim i bukur për shtëpinë gjatë Halloween-it, ose sezonit të vjeshtës. Është nje perime e jashtëzakonshme e varfër në sheqerna dhe e pasur në vitamina dhe minerale.

Ashtu si të gjitha perimet me ngjyrë të verdhë dhe kungulli është  i pasur me vitaminë A.dhe është veçanërisht i përshtatshëm për dieta sepse ka një përmbajtje shumë të ulët te karbohidrateve. Kungulli ka rreth 95% ujë, për këtë arsye, mund të përfshihen në dietën e përditshme të personave që duan t’i kushtojnë vëmendje të veçantë peshës trupore.

Nese konsumojmë kungull përfitojme rreth 20% të vlerës së përditshme të vitaminës C, 10% ose më shumë të vitaminës E, kalium, bakri dhe mangan, 5% e tiaminës, hekur dhe fosforit.

Kungull është gjithashtu i shkëlqyer për të luftuar sëmundjet kardiovaskulare:Jo vetëm që mund të ndihmojë në uljen e rrezikut të infarkti, por dhe redukton e parandalon formimin e gurëve në veshka.

Antioksidantët, vitamina C, vitamina E dhe beta-karotene,që përmban kjo perime fantastike jane te rendesishme per shëndetin e syve dhe ndihmojne për të luftuar radikalet e lira.

Përveç se në kuzhinë, kungulli është përdorur shpesh si një ilaç bukurie I pasur me antioksidantë eshte mjaft i mie për të luftuar plakjen e lëkurës, por edhe për forcimin e flokëve dhe thonjve. Kungulli mund të konsumohet i kripur, i ëmbël, pure, byrek, supë etj. /Lajmi.net/

Continue Reading

Jetë

Këto janë frutat dhe perimet që duhet të blini gjatë nëntorit

Published

on

Ngjyra të ngrohta dhe të forta, frutat dhe perimet që mund të gjenden në nëntor, na ndihmojnë për ta bërë më të gëzuar këtë muaj, gjatë të cilit temperaturat ftohen e humori bie.

Për të përmirësuar gjendjen, duhet të marrim fibra, minerale dhe vitamina, që të parandalojmë sëmundjet e para sezonale, por edhe për të shmangur depresionin tipik të këtij sezoni melankolik.

Një nga blerjet tipike të vjeshtës është lulelakra, e pasur në vitaminë C, vitaminë A dhe B. Rekomandohet për këdo që vuan nga anemia sepse është burim i shkëlqyer i hekurit dhe mineraleve të tjera, të tilla si kaliumi, acid folik dhe magnezi.

Kopra, me shije relativisht të fortë, është ideale për ata që ndjekin një dietë për të humbur peshë. Mund të përdoret edhe si çaj i nxehtë; kështu rregulloni sistemin tretës.

Nga shporta e frutave do të veçonim mandarinën e cila është burim i mirë i vitaminave A dhe C. Mandarinat janë të shijshme dhe nuk kanë nevojë për ndonjë shoqërues shtesë.

Në shportën tuaj të perimeve për këtë muaj duhet të vendosni: patatet e reja, panxharin, qepët, selinon, sallatën jeshile, spinaqin, radhiqet, çikoren, rrepat, bathët, kërpudhat, kungulin e verdhë, lulelakrën dhe brokolin. Nga frutat mos harroni të blini hurmat, dardhat, rrushin, kivit, shegët, gështenjat, mollët, mandarinat dhe portokajt. /Lajmi.net/

Continue Reading

Trending

Copyright © 2020 toplajmet.ch