Connect with us

Lajme

Isa Mustafa i çon selam Vetëvendosjes rreth Asociacionit

Published

on

isa-mustafa-i-con-selam-vetevendosjes-rreth-asociacionit

Isa Mustafa ka thënë se nuk ka çfarë t’i thotë VV’së që e ka kallur Kosovën kundër Asociacionit.

Isa Mustafa ish-kryeministër i Kosovës dhe udhëheqës i dialogut Kosovë – Serbi për një kohë, nuk ka asnjë këshillë për Albin Kurtin, i cili brenda ditësh do të marrë rrugën për Bruksel, njëjtë si Mustafa dikur.

Një nga temat që pritet të diskutohet në takimin e parë në mes të Albin Kurtit e Aleksandër Vuçiç pritet të jetë edhe Asociacioni i Komunave me Shumicë Serbe dhe ndonjë variant i tij.

“Qeverisë së VV-së që e ka kallur Kuvendin dhe Kosovën kundër Asociacionit, nuk kam çfarë i them”, ka thënë Isa Mustafa në një përgjigje me shkrim për Albanian Post.

“Ajo tani merr vendime, nuk proteston”, ka vazhduar ai.

Mustafa që akuzohej se në Bruksel po e copëton Kosovën me nënshkrim të Asociacionit, thotë se ai kurrë s’ka nënshkruar ndonjëherë për themelimin e bashkisë së komunave.

“Ajo që unë kam nënshkruar është marrëveshje e parimeve, jo marrëveshje për themelim e Asociacionit, sepse unë e kam trashëguar Ligjin i cili është votuar me mbi 2/3 e deputeteve”, bohon Mustafa.

Ish-lideri i LDK-së e ka fjalën për Ligjin për themelimin e Asociacionit “që ekziston Ligj i veçantë, i miratuar në Kuvend për ratifikimin e Marrëveshjes së parë ne vitin 2013”.

Përkundër se për qeverinë e Kurtit nuk ka ndonjë këshillë, Mustafa e ka një ide se çfarë duhet të bëhet me Asociacionin.

“Tani ose duhet ai Ligj të shpallet i pavlefshëm me 2/3 e votave të deputetëve ose duhet të implementohet”.

Pak a shumë për Mustafën ka të bëjë me vullnetin politik të pozitës.

“Nëse nuk ka vullnet te implementohet, duhet të abrogohet Ligji”, pohon ai.

Ndryshe nga Mustafa, anëtari i kryesisë së Partisë Demokratiket të Kosovës, Betim Gjoshi, e ka akuzuar kryeministrin e Kosovës, Albin Kurtin, se ky i fundit i ka ndërruar qëndrimet për gjitha çështjet.

“Edhe ne nuk mund ta marrim më seriozisht deri sa të shohim diçka të shkruar prej tij, ai ka vendosur të shkojë në bisedime me Serbinë pa u përgatitur dhe pa platformë të qartë dhe gjatë javës tjetër do të takohet me Vuçiçin ende pa kërkuar falje për krimet dhe pa u zbardhur fati i të pagjeturve”, ka nënvizuar Gjoshi.

“Qëndrimi i PDK-së është i qartë, është kundër një Asociacioni që ka kompetenca ekzekutive edhe nuk është në përputhje me Kushtetutën e Kosovës”.

Në anën tjetër, nënkryetari i Aleancës për Ardhmërinë e Kosovës, Ahmet Isufi, thotë për Albanian Post se Asociacioni duhet të funksionalizohet, por duke u respektuar Kushtetuta.

“Asociacioni duhet të krijohet në bazë të Kushtetutës së Kosovës dhe si i tillë mund të jetë i zbatueshëm në Kosovë, prandaj asnjë variant tjetër nuk mund të jetë në zbatim”, theksoi Isufi.

Ndërkohë, këtë muaj pritet takimi i parë mes kryeministrit të Kosovës, Albin Kurtit dhe Presidentit të Serbisë, Aleksandër Vuçiç në Bruksel.

Por, zëdhënësi për media i Bashkimit Evropian, Peter Stano, nuk ka treguar nëse gjatë këtij do të flitet për themelimin e Asociacionit.

“Kur bëhet fjalë për datën dhe agjendën e takimit të ardhshëm të Dialogut, ne do ta shpallim atë kur është e përshtatshme”, ka thënë Stano me anë të një përgjigje me shkrim për Albanian Post.

Në fillim të këtij muaji, Kurti ka theksuar se takimi me Presidentin e Serbisë, Aleksandar Vuçiç, në kuadër të dialogut për normalizimin e marrëdhënieve, do të mbahet nga mesi i qershorit.

“Nuk kam presion. Ka diskutime të vazhdueshme. Dialogu do të jetë parimor, do të jetë i drejtë, ku Kosova nuk është objekt në tryezë, por palë në bisedime. Me programin tonë dhe me ndërgjegjen dhe përgjegjësinë që kemi treguar, do ta përfaqësojmë Kosovën”, pati thënë Kurti.

Ndërkaq, Presidenti i Serbisë, Aleksandër Vuçiç, i është kundërpërgjigjur Kurtit, duke e porositur që “nëse Kurti mendon se nuk do të flitet për Asociacionin, atëherë nuk ka pse të vijë. Dhe nëse ata presin që unë ta bëj atë, atëherë ata as nuk kanë pse të më telefonojnë”, është shprehur ai.

Themelimi i Asociacionit është paraparë me Marrëveshjen e Brukselit të vitit 2013, të arritur mes Kosovës dhe Serbisë. Dy vjet më vonë, të dyja palët janë pajtuar edhe për parimet për themelimin e tij.

Asociacioni i komunave me shumicë serbe parashikohet që të mbledhë rreth vetes dhjetë komuna në Kosovë ku shumica e popullsisë janë serbë, të cilat janë Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë.

Marrëveshja fillestare për Asociacionin e vitit 2013 thekson se Asociacioni do të krijohet me statut dhe strukturat e tij, mbi bazën e statutit të Asociacionit të komunave të Kosovës.

Continue Reading

Lajme

Lutfi Haziri paralajmëron Kurtin: Nëse kundërshton politikën amerikane, nata të zë, por dita nuk të çelë

Published

on

Haziri me paralajmërim për Kurtin: Nëse kundërshton politikën amerikane, nata të zë, por dita nuk të çelë.

Kryetari i Komunës së Gjilanit, Lutfi Haziri, në emisionin DPT te Fidani në T7, tha për kryeministrin Albin Kurti, se nëse kundërshton politikën amerikanë, nata mund ta zë, por jo dita, shkruan Express.

Kjo erdhi derisa po komentohej deklarata e ambasadorit të SHBA’së në Kosovë, Philip Kosnett, i cili tha se Asociacioni i Komunave Serbe duhet bërë.

“Me partnerët tanë nuk ka sjellje të papërgjegjshme. Unë besoj që ai që e kundërshton politikën amerikane në Kosovë, nëse e zë nata, dita nuk e çel dita”, është shprehur Haziri.

E menjëherë pas kësaj, autori i emisionit e pyeti Hazirin se a është ky një paralajmërim.

Haziri u përgjigj pozitivisht, duke kujtuar gjithashtu se për shkak të thyerjes së këtyre parimeve, në Kosovë janë “rrëzuar” katër kryeministra.

“Ky është paralajmërim ndaj Kurti?”, pyeti Jupolli.

“Natyrisht… katër kryeministra janë rrëzuar për shkak të thyerjes së parimeve dhe lidhjet i kanë me dialogun”, shtoi Haziri.

Continue Reading

Lajme

Edi Rama takon Sarkozyn në Paris

Published

on

Rama takon Sarkozyn në Paris.

Edi RamaSarkozyKryeministri i Shqipërisë, Edi Rama, ka takuar ish-presidentin e Francës, Nicolas Sarkozy.

Rama e takoi Sarkozyn në shtëpinë e tij në Paris teksa thotë se ka privilegjin që të këshillohet me të për sfidat e Shqipërisë.

“Me një mik special në shtëpinë e tij në Paris, presidentin Nicolas Sarkozy, me të cilin kam privilegjin të këshillohem për sfidat e Shqipërisë dhe rajonit tonë, në rrugën e zhvillimit ekonomik e social, e të integrimit europian”, ka shkruar Rama.

Continue Reading

Lajme

“Fund” për juristët, moskalimi i Vettingut

Published

on

Moskalimi i Vettingut, “fund” për juristët.

Po qe se njëri nga gjyqtarët a prokurorët vendorë nuk e kalon dot Vettingun, zor se ndonjëherë në jetë mund t’i kthehet kësaj detyre.

Për 15 vjet, apo përjetësisht, zyrtarë të gjyqësorit e prokurorisë nuk do të mund as të aplikojnë më për pozitën e njëjtë, e veç kësaj pritet t’u pamundësohet ushtrimi i ndonjë detyre tjetër që lidhet me sistemin juridik, si avokat, noter a përmbarues.

Kjo është vetëm një pjesë e përmbledhur brenda 224 faqesh të draftit të parë të koncept-dokumentit për procesin e Vettingut që përfundoi këtë të marte, njofton Klan Kosova.

Edhe numri i opsioneve se si parashihet të ndodhë procesi më i rëndësishëm në gjyqësor ndër vite është rritur në 5, një prej tyre më i mundshëm.

“Është një kombinim në mes atij me ndryshime ligjore dhe kushtetuese që nënkupton një vetim të përhershëm, pra pasi të përfundojë ky, në periudhaçcdo 3, 4 vjet të bëhet sërish verifikimi”, ka treguar Genc Nimoni, shef i kabinetit të ministres në Ministrinë e Drejtësisë.

Gjyqtarët e prokurorët është vendosur të testohen në tri fusha. Do të përfshihet fusha e integritetit moral e personal, vlerësimi i performancës profesionale dhe verifikimi i pasurisë.

Ndonëse Ministria e Drejtësisë e rregullon procesin vetëm për gjyqtarë e prokurorë, vettingu, brenda vitit madje pritet të rregullohet edhe në sektorin e sigurisë. Sipas Nimonit, zyrtarë nga Ministria e Drejtësisë ka mbajtur disa takime së fundmi me zyrtarë të Ministrisë së Punëve të Brendshme dhe të njëjtit planifikojnë që brenda vitit ta kenë të gatshëm koncept dokumentin i cili qartëson se si duhet të bëhet vettingu edhe në polici.

Vettingu fillestar pritet të marrë kohë 5 deri në 7 vjet.

Continue Reading

Trending

Copyright © 2020 toplajmet.ch