Connect with us

Sport

Heroi i Milanit, Messias me dedikim të veçantë për golin e fitores ndaj Atletico Madridit

Published

on

Junior Messias ia dedikoi golin e tij debutues në Ligën e Kampionëve atyre që besuan në të pasi mbajti gjallë shpresat e Milanit, vetëm disa vjet pasi punonte si shofer për shpërndarjen e pajisjeve elektro-shtëpiake si frigoriferë dhe rrobalarëse.

Braziliani 30-vjeçar nuk kishte luajtur kurrë më parë në ndeshje evropiane, e lëre më në garën elitare evropiane, Ligën e Kampionëve.

Megjithatë, në ndeshjen e tij debutuese, ai u ngrit mes qendërmbrojtësve për të shënuar me kokë dhe për t’i dhënë Milanit fitoren 1-0 në Wanda Metropolitano.

“Jam shumë i lumtur me performancën dhe fitoren, do të thotë se jemi ende gjallë, por ka ende shumë punë për të bërë”, ka thënë fillimisht Messias për Amazon Prime Video Italia.

“Ishte gjithçka instinkt, unë thjesht ndoqa lëvizjen dhe ruajta qetësinë ndërsa topi më vinte. Kur jeni të qetë, mund të bëni gjëra të mëdha”.

“Ajo që ndodhi është momenti më i rëndësishëm i karrierës sime, por përulësia është ende shumë e rëndësishme. Nuk duhet të ndihem i poshtëruar nga kritikat dhe as të gëzohem nga komplimentet”.

Në mënyrë të pabesueshme, Messias po luante për Crotonen sezonin e kaluar, por edhe më e çuditshme ishte puna e tij si shofer për të përballuar jetesën vetëm disa vjet më parë dhe ishte në divizionet amatore deri në moshën 28-vjeçare.

“Këtë gol ia dedikoj familjes sime dhe të gjithë atyre që besuan në mua”, përfundoi braziliani i Milanit.

Continue Reading
Click to comment

Leave a Reply

Your email address will not be published.

Sport

PSG e shpërblen Marquinhos

Published

on

PSG nis bisedimet për rinovimin me Marquinhos

Paris Saint-Germaini i ka nisur bisedimet me përfaqësuesit e Marquinhos për vazhdimin e kontratës së tij.

Mbrojtësi brazilian ka kontratë me klubin francez deri në vitin 2024, megjithatë ata janë të interesuar që t’ia zgjatin akoma më shumë qëndrimin.

RMC Sport bën të ditur se PSG planifikon t’ia shtojë edhe dy vite të tjera në kontratën e tij, gjegjësisht deri në vitin 2026.

Marquinhos ka zhvilluar 15 ndeshje deri më tani për liderin e Ligue 1 në të gjitha garat duke shënuar tre gola.

27-vjeçari iu bashkua PSG-së në vitin 2013 nga Roma, ku kishte luajtur për një sezon pas transferimit nga Corinthians.

Continue Reading

Sport

Mancini – Manchester United, vjen lajmi bombë nga Anglia

Published

on

Mancini, njëri nga kandidatët për postin e trajnerit të Unitedit

Përzgjedhësi i Italisë, Roberto Mancini, është përfshirë në listën e kandidatëve për të marrë drejtimin e Manchester Unitedit nga sezoni i ardhshëm.

Strategu italian e njeh Ligën Premier nga koha e tij te Manchester City, ndërsa The Telegraph raporton se tash kërkohet nga rivali lokal.

Djajtë e Kuq sapo e kanë angazhuar Ralf Rangnickun në postin e trajnerit të lënë bosh pas shkarkimit të Ole Gunnar Solskjaer.

Mirëpo, strategu gjerman ka kontratë deri në fund të sezonit dhe klubi vazhdon të jetë në kërkim të një trajneri afatgjatë.

E ardhmja e Mancinit te Italia do të varet nga kualifikimi ose jë në Kampionatin Botëror, ‘Katar 2022’, pasi Azzurrët janë në barazh.

Continue Reading

Sport

Pochettino do t’i çmend drejtuesit e PSG-së me këtë deklaratë për Ramosin

Published

on

Sergio Ramos nuk do të luajë ndaj Nice në ndeshjen e vlefshme për javën e 16-të në Ligue 1.

Spanjolli debutoi me PSG gjatë fundjavës ndaj St. Etienne, por ngarkesa e plotë gjatë 90 minutave duket se ka ndikuar drejtpërdrejtë në formën e mbrojtësit.

Ramos u rikthye për të luajtur një ndeshje zyrtare pas 6 muajsh dhe tekniku Pochettino ka vendosur t’i japë pushim në mënyrë që të jetë në dispozicion për sfidën e të shtunës, ndaj Lens.

Diçka të tillë, tekniku e konfirmoi në konferencën e tij përpara takimit me Nice.

“Ramos ishte shumë i lumtur për debutimin e tij, por 15 minutat e fundit ishin të vështira. Mungesa e tij për një kohë të gjatë ka ndikuar dhe e prisnim diçka të tillë. Do të shohim deri përpara fillimit të sfidës, por besoj se Ramos ka nevojë për pak pushim, në mënyrë që të mos rrezikojmë me të, pikërisht kur ai tani është rikthyer”.

Nuk bëhët fjalë për ndonjë dëmtim, apo rikthim të problemeve për spanjollin, por stafi i parizienve nuk kërkon të bëjë lëvizje të nxituara, me një nga lojtarët i cili erdhi jo vetëm me bujë, por në javët e fundit ka patur zëra edhe për një “divorc” midis palëve.

Continue Reading

Trending

Copyright © 2020 toplajmet.ch