Connect with us

Lajme

Dy elementet kryesore të urdhrit nga Biden që kanë të bëjnë me Kosovën e Serbinë

Published

on

dy-elementet-kryesore-te-urdhrit-nga-biden-qe-kane-te-bejne-me-kosoven-e-serbine

Ish-deputeti i LDK-së, Besnik Bislimi ka folur për urdhrin e djeshëm të presidentit amerikan, Joe Biden për sanksione për këdo që cënon sigurinë dhe stabilitetin e Ballkanit Perëndimor.

Me anë të një postimi në Facebook, Bislimi ka nxjerrë dy pikat kryesore të këtij urdhri, e që njëri sipas tij ka të bëj me dialogun Kosovë –Serbi.

“E dyta flet direkt për dialogun Kosovë – Serbi (sepse nuk ka tjetër marreveshje në Ballkanin Perëndimor për “njohje të ndersjellë”) dhe marrëveshjen finale gjithëpërfshirëse dhe legalisht të obligueshme në mes dy vendeve për të cilën pikërisht Biden më parë është shprehur se duhet të jetë e fokusuar në njohje të ndërsjellë! Pra, kjo pikë në këtë Urdhër Ekzekutiv është një paralajmërim shumë serioz për secilin akter në procesin e dialogut që mendon se mund t’i bishtrojë përgjegjësisë për marrëveshjen e bazuar në njohje të ndersjellë!”, ka shkruar Bislimi.

Postimi i plotë:

Janë dy elemente shumë me rëndësi për ne në lidhje me lajmin e Urdhërit Ekzekutiv të Presidentit Biden të nënshkruar sot më 8 qershor, për bllokim pasurie e ndalim hyrje në SHBA për persona që destabilizojnë Ballkanin Perëndimor:

Çfarëdo veprimi nga kushdo që cënon “integritetn territorial të vendeve apo shteteve” në Ballkanin Perëndimor përbënë shkak për t’u privuar nga e drejta e hyrjes në SHBA dhe arsyeje për bllokim pasurie në SHBA; dhe

Çfarëdo veprimi nga kushdo që cënon “marrëveshjen për njohje të ndërsjellë” apo në origjinal “mutual recognition agreement” sikur edhe marrëveshjet tjera paraprake si ajo e Dejtonit, Prespës, apo vendimet e Tribunalit Ndërkombëtar të Hagës për Krimet e Luftës në ish-Jugosllavi, përbënë shkak për t’u privuar nga e drejta e hyrjes në SHBA dhe arsyeje për bllokim pasurie në SHBA!

Këto dy pika duhet lexuar përtej kuptimit të tyre bukfal:

— E para përcakton kjartë pozicionin e Administratës Biden kundër riorganizimit territorial të shteteve në Ballkanin Perëndimor, që nënkupton mosperkrahjen për ndryshim kufijsh në rajon. Vendosja e kësaj pike në këtë Urdhër Ekzekutiv (që ripërtrinë dhe zgjeron Urdhërin Ekzekutiv paraprak të vitit 2001), një ditë para se Biden të udhëtojë në Evropë dhe pak ditë para takimit me Presidentin e Rusisë, Putin, i jep goditje paraprake diplomatike pikërisht Rusisë dhe angazhimit të saj të bujshëm për shpërbërjen e Bosnjes përmes Republika Srpska dhe Serbisë! Roli i Rusisë në Ballkan mund të rritet efektivisht vetëm përmes serbëve! Në kuadër të gjeopolitikes ruse hynë edhe Kosova, dhe përkrahja e parezervë e Rusisë për Serbinë karshi Kosovës. Mosndryshimi i kufijeve nënkupton edhe mosndryshimin e kufijëve të Kosovës, pra faktin që shtetësia e Kosovës nuk vije në diskutim në përplasjet e mëdha gjeopolitike perëndim-lindje!

— E dyta flet direkt për dialogun Kosovë – Serbi (sepse nuk ka tjetër marreveshje në Ballkanin Perëndimor për “njohje të ndersjellë”) dhe marrëveshjen finale gjithëpërfshirëse dhe legalisht të obligueshme në mes dy vendeve për të cilën pikërisht Biden më parë është shprehur se duhet të jetë e fokusuar në njohje të ndërsjellë! Pra, kjo pikë në këtë Urdhër Ekzekutiv është një paralajmërim shumë serioz për secilin akter në procesin e dialogut që mendon se mund t’i bishtrojë përgjegjësisë për marrëveshjen e bazuar në njohje të ndersjellë!.

Continue Reading

Lajme

Mësoni këto veprime nëse telefoni juaj është lagur dhe nuk do të ndizet

Published

on

Ndiqni këto veprime nëse telefoni juaj është lagur dhe nuk do të ndizet.

Nëse e keni lagur telefonin tuaj në shi, e keni hedhur në ujë ose keni derdhur lëng mbi të, nuk jeni i vetmi.

Një studim sugjeron që 25% e përdoruesve të telefonave të mençur e kanë dëmtuar telefonin e tyre me ujë ose ndonjë lloj tjetër lëngu, përcjell Telegrafi.

Siç edhe dihet, depërtimi i lëngjeve në një telefoni të mençur mund të ndikojë në pajisje në disa mënyra.

Mund të çojë në: foto të paqarta, audio e zhurmshme, ose fare audio, një paaftësi për tu karikuar, ndryshkja e pjesëve të brendshme, ose një fund total për të gjithë funksionalitetin.

Dhe ndërsa telefonat e rinj reklamohen si “rezistent ndaj ujit”, kjo nuk do të thotë që ata janë të papërshkueshëm nga uji, ose plotësisht të imunizuar ndaj ujit.

Sidoqoftë, rezistenca ndaj ujit nënkupton që pajisja mund të trajtojë disa ekspozime ndaj ujit para se të ndodhë dëmtimi thelbësor.

Kështu, ekspozimi ndaj ujit është diçka që prodhuesit e kanë në mendje kur projektojnë telefonat, përcjell Telegrafi.

Por çfarë duhet bërë nëse ndodh një gjë e tillë?

1. Fikni pajisjen menjëherë dhe mos shtypni asnjë buton.

2. Fshijeni telefonin me “peshqir letre” ose një leckë të butë.

3. Shkundni butësisht pajisjen për të hequr ujin nga portat e karikimit, por shmangni tundjen e fortë pasi kjo mund të përhapë më tej lëngun brenda.

4. Hiqni kartën SIM.

5. Përdorni një pastrues ajri të kompresuar për të fryrë ujin nëse keni një të tillë. Shmangni përdorimin e një tharëse të nxehtë pasi nxehtësia mund të shkatërrojë pjesët prej plastike dhe të dëmtojë ekranin.

6. Thani telefonin (dhe posaçërisht portat) para një ventilatori.

7. Lëreni telefonin tuaj në një enë hermetike të mbushur me pako xhel silicë (ato pako të vogla që merrni brenda këpucëve dhe çantave të reja), ose një agjent tjetër tharës. Këto ndihmojnë në thithjen e lagështisë.

8. Mos e karikoni telefonin derisa të jeni i sigurt se është tharë. Karikimi i një pajisje me lëng ende brenda saj, ose në porte, mund të shkaktojë dëme të mëtejshme. Apple sugjeron të presësh të paktën pesë orë sapo një telefon të shfaqet i thatë përpara se ta karikosh.

9. Nëse hapat e mësipërm nuk ndihmojnë dhe jeni akoma i mbërthyer me një pajisje në dukje të vdekur, mos u përpiqni ta hapni vetë telefonin. Më mirë ta çojeni te një profesionist.

Continue Reading

Lajme

Nga e hëna ngritën temperaturat, ky është parashikimi i motit

Published

on

Ky është parashikimi i motit për deri ditën e hënë .

Në pjesën e dytë të javës mot shumë i ngrohtë, e priten edhe rrebeshe shiu. Nga e hëna më nxehtë, temperaturat edhe mbi 30 gradë Celsius.

Ditëve në vijim pritet të mbajë mot më jostabil, por shumë i ngrohtë. Orët e mëngjesit kryesisht fillojnë me intervale me diell, e gjatë ditës priten zhvillime të rrebesheve të shiut me bubullima, të cilat do të jenë më të shpërndara në vend, njofton Prishtina Weather.

Ditën e diel mundësitë për reshje mbeten më shumë përreth viseve malore.

Nga dita e hënë, gjatë javës së ardhshme të nxehtit nga Europa pritet të shtrihet edhe nga vendi ynë, që pritet të rrisë temperaturat maksimale edhe mbi 30C.

Indeksi i cilësisë së ajrit, gjatë kësaj periudhe do të jetë në në vlera të pranueshme dhe të mira, mirëpo kohëpaskohe mund të kaloj shkurtimisht edhe në mesatare.

Indeksi i rrezeve UV do të jetë në vlera të larta dhe shumë të larta, prandaj në këto ditë preferohet ekspozim më i ulët ndaj rrezeve të diellit përgjatë orëve të mesdites.

17.06 – Shumë ngrohtë. paradite kryesisht me diell. Ditën zhvillime të vransirave, e më vonë vende-vende priten rrebeshe shiu me bubullima.

18.06 – Mbetet mot shumë i ngrohtë. Paradite kryesisht me diell. Ditën vransirat shtohen, e vende-vende priten zhvillime të rrebesheve me bubullima.

19.06 – Vransira dhe intervale me diell. Pasdite me zhvillime të rrebesheve me bubullima.

20.06 – Më shumë diell, e gjatë ditës përreth viseve malore me mundësi për rrebeshe shiu me bubullima.

21.06 – Mot i nxehtë, kryesisht me diell.

Temperaturat minimale luhaten nga 13C deri 16C, e maksimalet nga 25C deri 27C, e të hënën rriten edhe deri në 30C.

Era do të fryj me intenzitet mesatar kryesisht nga krahu verior 3-12m/s.

Shtypja atmosferike lëviz pak mbi vlera normale, me tendencë të rënies në fundjavë.

Continue Reading

Lajme

Shtrihet në spital Shefqet Krasniqit, i rëndohet gjendja pasi u infektua me koronavirus

Published

on

Shefqet Krasniqi shtrihet në QKUK, i rëndohet gjendja pasi u infektua me koronavirus.

Hoxhë Shefqet Krasniqi është infektuar me COVID-19.

Gazeta inFokus mëson se hoxhë Krasniqi është shtrirë në Klinikën Infektive pasi iu rëndua gjendja shëndetësore.

E që Krasniqi ka probleme shëndetësore e kanë bërë të ditur edhe në faqen e tij ku njoftohen ndjekësit se në këtë javë ai nuk do të mbajë ligjëratën e përjavshme për shkak të problemeve shëndetësore.

“Këtë javë nuk do të mbahet ligjërata e përjavshme e tefsirit për arsye shëndetësore të hoxhës Shefqet Krasniqi, me lejen e Allahut do të vazhdojmë nga java e ardhshme”, thuhet në njoftimin në faqen e Krasniqit.

Continue Reading

Trending

Copyright © 2020 toplajmet.ch