Connect with us

Sport

Conte zbulon pse u largua nga Interi

Published

on

conte-zbulon-pse-u-largua-nga-interi

Conte shpjegon pse u largua nga Interi dhe pse e refuzoi Tottenhamin.

Antonio Conte ka shpjeguar përse e braktisi Interin, si dhe ka këmbëngulur se nuk e refuzoi Tottenhamin për shkaqe ekonomike.

Conte u largua nga Interi vetëm pak ditë pasi e fitoi titullin e kampionit në Serie A me zikaltrit, duke i befasuar shumë njerëz dhe tifozët, transmeton Gazeta Express.

Presidenti i Interit, Steven Zhang, e kishte shpjeguar largimin e italianit duke thënë: “Mendimet tona të ndryshme për këtë gjendje na quan drejt ndarjes. Ajo që nuk ishte thelbësore për të, ishte për klubin. Dhe anasjelltas. Conte është trajner i madh, por si president, unë duhet të mendoj për qëndrueshmërinë e këtij klubi”.

Pas një pushimi të shkurtër në Ibiza, Conte, i cili u kthye në Milano, e kritikoi presidentin e Interin, duke i kundërshtuar deklaratat e tij.

“Çfarë mund të them unë është se projekti im nuk ndryshoi asnjëherë, por do të ishte absurde ta diskutoj këtë tani. Nuk dua të krijoj polemika apo të flas për transferimet. Unë e respektoj Zhangun dhe e falënderoi që më zgjodhi mua. Unë e dua Interin, klubin dhe tifozët”, tha Conte.

Ish-trajneri i Juventusit dhe Chelseat ishte afër të emërohej trajner i ri i Tottenhamit, por bisedimet mes tij dhe klubit londinez dështuan.

Ai këmbënguli se vendimet nuk i merr kurrë bazuar në paratë.

“Në përgjithësi, mua më pëlqejnë sfidat dhe kam pranuar shumë të tilla gjatë karrierës. Por kur një projekt nuk më bind, unë parapëlqej të mos e pranoj ofertën pavarësisht parave”, shtoi ai.

Continue Reading
Click to comment

Leave a Reply

Your email address will not be published.

Sport

E çuditshme: Gattuso mund të largohet nga Fiorentina vetëm dy javë pas emërimit të tij

Published

on

Gattuso mund të largohet nga Fiorentina vetëm dy javë pas emërimit të tij.

Gennaro Gattuso mund të largohet nga Fiorentina.

Trajneri kalabrez thuhet se ka tensione me zyrtarët e klubit dhe pritet largimi i tij vetëm dy javë pas emërimit të tij në pozitën e trajnerit.

Sipas Gianluca Di Marzio, dallimi i objektivave dhe pikëpamjeve ndërmjet Gattusos dhe bordit të Fiorentinas thuhet të jetë arsyeja kryesore e largimit.

Gattuso nënshkroi kontratën me “Violan” me gjashtë qershor.

Sipas gazetarit, largimi i Gattusos është i paevitueshëm

Continue Reading

Sport

Donnarumma nesër kryen testet mjekësore te klubi i madh

Published

on

Donnarumman e pret një kontratë luksoze te PSG, të enjten u nënshtrohet ekzaminimeve mjekësore.

Gianluigi Donnarumma pritet t’u nënshtrohet ekzaminimeve mjekësore te Paris Saint-Germaini para se ta nënshkruajë kontratën luksoze pesëvjeçare.

Portieri italian është lojtar i lirë, duke qenë se kontrata e tij me Milanin skadon më 30 qershor.

Ai ka arritur marrëveshje personale me PSG-në që besohet të jetë me përfitime vjetore prej rreth 11 milionë eurosh plus dy milionë euro në bonuse.

Donnarumma është i angazhuar me Italinë në ‘Euro 2020’, ku sonte (e mërkurë) do të luajë kundër Zvicrës.

Meqenëse nuk mund të largohet, Tuttomercatoweb bën të ditur se ekzaminimet mjekësore do të zhvillohen në Itali, me shumë mundësi në Romë ose në Firence.

Continue Reading

Sport

Uellsi me fitore bindëse, ia shuan shpresat Turqisë

Published

on

Uellsi feston dhe ia shuan shpresat Turqisë.

Uellsianët i mposhtën turqit me rezultat 2:0 dhe i rritën gjasat për kualifikim në fazën tjetër në “Euro 2020”

Uellsi e ka regjistruar një fitore të madhe në “Euro 2020”. Uellsianët e mposhtën Turqinë me rezultat 2:0, në ndeshjen e xhiros së dytë të Grupit A, shkruan Gazeta Express. Gareth Bale me shokë e dominuan lojën me turqit dhe fituan me meritë. Madje, ata i lëshuan disa raste të mira shënimi, sidomos me Aaron Ramseyn.

Mirëpo, futbollisti i Juventusit në fund doli të ishte protagonist i lojës. Ish-mesfushori i Arsenalit e gjeti golin e fitores në pjesën e dytë pasi e mori një top të mrekullueshëm nga Bale.

Më pas, ylli i Tottenhamit e lëshoi një mundësi të artë duke e humbur penalltinë që e nxori vetë, në pjesën e dytë.

Uellsi e shënoi golin e dytë në minutat shtesë me anë të Connor Roberts pas asistimit të Gareth Balet.

Edhe turqit i kishin rastet e tyre, por nuk ia dolën të shënonin. Uellsi e ka një fitore e një barazim dhe po shkon me hapa të sigurt drejt kualifikimit. Kurse, kjo humbje ia shoi shpresat Turqisë, e cila ishte mposhtur paraprakisht edhe nga Italia, 0:3.

Continue Reading

Trending

Copyright © 2020 toplajmet.ch