Connect with us

Sport

Abuzimi seksual që e tmerroi Neymarin dhe ia humbi milionat

Published

on

abuzimi-seksual-qe-e-tmerroi-neymarin-dhe-ia-humbi-milionat

Nike-Neymar, thyerja për një abuzim seksual. Raporti mes Nike dhe Neymarit u prish për shkak të një hetimi në lidhje me një abuzim seksual të brazilianit ndaj një punonjëseje të markës së famshme të veshjeve sportive.

Gushtin e kaluar, Nike ndërpreu kontratën me Neymarin, pasi “ylli” i PSG nuk bashkëpunoi në lidhje me një hetim të brendshëm të nisur nga kompania pas akuzave të një punonjëseje se ishte sulmuar seksualisht.

Lajmin e bëri të ditur kompania shumëkombëshe me qendër në Shtetet e Bashkuara të Amerikës nëpërmjet një komunikate ku shpjegon se sportisti refuzoi të bashkëpunonte në lidhje me hetimin pas akuzave të besueshme nga ana e punonjëses, duke saktësuar se hetimi në këtë mënyrë nuk arriti të mbyllej me një konkluzion.

Shpjegohet vetëm tani, kështu, ndërprerja e kontratës me vlerë 210 milionë dollar, që duhej të vazhdonte deri në vitin 2028.

Sipas “Wall Street Journal”, një punonjëse në vitin 2016 u kishte treguar miqve dhe kolegëve se braziliani ishte përpjekur ta detyronte për një raport seksual në një hotel në “New York”, ku gjendeshin të dy një seri takimesh me kampionin.

Neymar mohoi akuzat, duke deklaruar se do të mbrohej në rrugë ligjore. Një zëdhënës i tij specifikoi se prishja e kontratës me Nike ishte një zgjedhje komerciale. Neymar më pas firmosi kontratë bashkëpunimi me “Puma”-n, e cila, sipas “Forbes”, i garanton brazilianit, 25 milionë euro në vit.

Continue Reading
Click to comment

Leave a Reply

Your email address will not be published.

Sport

E çuditshme: Gattuso mund të largohet nga Fiorentina vetëm dy javë pas emërimit të tij

Published

on

Gattuso mund të largohet nga Fiorentina vetëm dy javë pas emërimit të tij.

Gennaro Gattuso mund të largohet nga Fiorentina.

Trajneri kalabrez thuhet se ka tensione me zyrtarët e klubit dhe pritet largimi i tij vetëm dy javë pas emërimit të tij në pozitën e trajnerit.

Sipas Gianluca Di Marzio, dallimi i objektivave dhe pikëpamjeve ndërmjet Gattusos dhe bordit të Fiorentinas thuhet të jetë arsyeja kryesore e largimit.

Gattuso nënshkroi kontratën me “Violan” me gjashtë qershor.

Sipas gazetarit, largimi i Gattusos është i paevitueshëm

Continue Reading

Sport

Donnarumma nesër kryen testet mjekësore te klubi i madh

Published

on

Donnarumman e pret një kontratë luksoze te PSG, të enjten u nënshtrohet ekzaminimeve mjekësore.

Gianluigi Donnarumma pritet t’u nënshtrohet ekzaminimeve mjekësore te Paris Saint-Germaini para se ta nënshkruajë kontratën luksoze pesëvjeçare.

Portieri italian është lojtar i lirë, duke qenë se kontrata e tij me Milanin skadon më 30 qershor.

Ai ka arritur marrëveshje personale me PSG-në që besohet të jetë me përfitime vjetore prej rreth 11 milionë eurosh plus dy milionë euro në bonuse.

Donnarumma është i angazhuar me Italinë në ‘Euro 2020’, ku sonte (e mërkurë) do të luajë kundër Zvicrës.

Meqenëse nuk mund të largohet, Tuttomercatoweb bën të ditur se ekzaminimet mjekësore do të zhvillohen në Itali, me shumë mundësi në Romë ose në Firence.

Continue Reading

Sport

Uellsi me fitore bindëse, ia shuan shpresat Turqisë

Published

on

Uellsi feston dhe ia shuan shpresat Turqisë.

Uellsianët i mposhtën turqit me rezultat 2:0 dhe i rritën gjasat për kualifikim në fazën tjetër në “Euro 2020”

Uellsi e ka regjistruar një fitore të madhe në “Euro 2020”. Uellsianët e mposhtën Turqinë me rezultat 2:0, në ndeshjen e xhiros së dytë të Grupit A, shkruan Gazeta Express. Gareth Bale me shokë e dominuan lojën me turqit dhe fituan me meritë. Madje, ata i lëshuan disa raste të mira shënimi, sidomos me Aaron Ramseyn.

Mirëpo, futbollisti i Juventusit në fund doli të ishte protagonist i lojës. Ish-mesfushori i Arsenalit e gjeti golin e fitores në pjesën e dytë pasi e mori një top të mrekullueshëm nga Bale.

Më pas, ylli i Tottenhamit e lëshoi një mundësi të artë duke e humbur penalltinë që e nxori vetë, në pjesën e dytë.

Uellsi e shënoi golin e dytë në minutat shtesë me anë të Connor Roberts pas asistimit të Gareth Balet.

Edhe turqit i kishin rastet e tyre, por nuk ia dolën të shënonin. Uellsi e ka një fitore e një barazim dhe po shkon me hapa të sigurt drejt kualifikimit. Kurse, kjo humbje ia shoi shpresat Turqisë, e cila ishte mposhtur paraprakisht edhe nga Italia, 0:3.

Continue Reading

Trending

Copyright © 2020 toplajmet.ch